മഴ മുന്നറിയിപ്പ്; വയനാട് ജില്ലാ പോലിസ് കണ്ട്രോള് റൂം പ്രവര്ത്തനം തുടങ്ങി.
വയനാട് ജില്ലയില് വരും ദിവസങ്ങളില് അതീതീവ്ര മഴയ്ക്ക് സാധ്യതയുണ്ടെന്ന മുന്നറിയിപ്പിന്റെ അടിസ്ഥാനത്തില് ജില്ലാ പോലിസ് കണ്ട്രോള് റൂം പ്രവര്ത്തനം തുടങ്ങി. ജില്ലാ പോലീസ് ആസ്ഥാനത്ത് 24 മണിക്കൂറും കണ്ട്രോള് റൂം പ്രവര്ത്തിക്കും.
പോലിസ് സഹായത്തിനായി പൊതുജനങ്ങള്ക്ക് 04936202521, 9497980833 എന്നീ നമ്പറുകളിലോ എമര്ജന്സി ഹെല്പ് ലൈന് നമ്പരായ 112 ലോ ബന്ധപ്പെടാവുന്നതാണ്.
പൊതുജനങ്ങള് ജാഗ്രത പാലിക്കണമെന്ന് ജില്ലാ പോലീസ് അറിയിച്ചു. മണ്ണിടിച്ചില് ഭീഷണി ഉള്പ്പെടെയുള്ള ദുരന്തസാധ്യതയുള്ളതിനാല് മലയോരമേഖലകളില് താമസിക്കുന്നവര് ശ്രദ്ധിക്കണം. കനത്ത മഴയെ തുടര്ന്ന് ജലാശയങ്ങളില് പെട്ടെന്ന് വെള്ളം ഉയരാന് സാധ്യതയുള്ളതിനാല് പുഴയോരത്ത് താമസിക്കുന്ന ജനങ്ങളും ജാഗ്രത പാലിക്കേണ്ടതാണ്. തീവ്ര മഴയത്ത് നദികളിലോ വെള്ളക്കെട്ടുകളിലോ ഇറങ്ങാന് ശ്രമിക്കരുത്. മണ്ണിടിച്ചില് സാധ്യതയുള്ള പ്രദേശങ്ങളിലേക്കുള്ള യാത്രകള് ഒഴിവാക്കുക. സുരക്ഷിതയിടങ്ങളിലേക്ക് മാറുക. അധികൃതരുടെ നിര്ദ്ദേശങ്ങള് പാലിക്കണമെന്നും അറിയിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്