മെത്താംഫിറ്റാമിന് പിടികൂടിയ കേസില് ഒരാള് കൂടി അറസ്റ്റില്
മുത്തങ്ങ: മുത്തങ്ങ പൊന്കുഴിയില് നിന്നും 132 ഗ്രാം മെത്താംഫിറ്റാമിനും 460 ഗ്രാം കഞ്ചാവും പിടികൂടിയ കേസില് ഒരാള് കൂടി അറസ്റ്റിലായി. നിരവധി മയക്കുമരുന്നു കേസുകളില് പ്രതിയായ കോഴിക്കോട് ഓമശ്ശേരി സ്വദേശി പുല്ലാമ്പാടിപറമ്പില് വീട്ടില് അബൂബക്കര് മകന് മുഹമ്മദ് ഹനീഫ ആണ് അറസ്റ്റിലായത്. ഈ കേസിലെ നൈജീരിയന് പ്രതിയുമായി നേരിട്ട് ബന്ധമുള്ളയാളയാണ് ഇയാള്. ഈ കേസില് 6 പേര് നേരത്തെ പിടിയിലായിരുന്നു. വയനാട് അസിസ്റ്റന്റ് എക്സൈസ് കമ്മീഷണര് ഞ ച ബൈജുവിന്റെ നേതൃത്വത്തില് പ്രിവന്റീവ് ഓഫീസര് (ഗ്രേഡ്) ശ്രീജ മോള് പി എന്, സിവില് എക്സൈസ് ഓഫീസര്മാരായ സുഷാദ് പി എസ്, ബേസില് സി.എം, സിവില് എക്സൈസ് ഓഫീസര് ഡ്രൈവര് വീരന് കോയ എന്നിവര് അടങ്ങിയ സ്പെഷ്യല് ഇന്വെസ്റ്റിഗേഷന് ടീമാണ് തുടരന്വേഷണത്തില് പ്രതിയെ പിടികൂടിയത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്