ഓപ്പറേഷന് തൂഫാന്; എംഡിഎംഎ യുമായി യുവാക്കള് പിടിയില്
ബത്തേരി: എം.ഡി.എം.എ ലോറിയില് ഒളിപ്പിച്ചു കടത്താന് ശ്രമിച്ച യുവാക്കള് പിടിയില്. നായ്ക്കട്ടി സ്വദേശികളായ തേര്വയല് വീട്ടില്, സഫ്നാസ്(37), നിരപ്പം,, മതിലകത്ത് വീട്ടില്, അബ്ദുള് റഷീദ് (33) എന്നിവരെയാണ് ജില്ലാ ലഹരിവിരുദ്ധ സ്ക്വാഡും ബത്തേരി പോലീസും ചേര്ന്ന് പിടികൂടിയത്. 23.983 ഗ്രാം എം.ഡി.എം.എയാണ് കണ്ടെടുത്തത്. മുത്തങ്ങ പോലീസ് ചെക്ക് പോസ്റ്റില് നടത്തിയ വാഹനപരിശോധനയ്ക്കിടെയാണ് ഇവര് പിടിയിലാകുന്നത്. കര്ണാടക ഭാഗത്തുനിന്നും വരുകയായിരുന്ന കെ എ 34 ബി, 0952 നമ്പര് ലോറി തടഞ്ഞുനിര്ത്തി പരിശോധിച്ചപ്പോഴാണ് ലഹരി കണ്ടെത്തിയത്. സഫ്നാസിന്റെ അരയില് സിഗരറ്റ് പാക്കറ്റിനകത്ത് പോളിത്തീന് സിപ് ലോക്ക് കവറില് സൂക്ഷിച്ച നിലയിലാണ് 23.983 ഗ്രാം എം.ഡി.എം.എ കണ്ടെടുത്തത്. പോലീസ് ഇവരെ കൂടുതല് ചോദ്യം ചെയ്ത് തുടര്നടപടികള് സ്വീകരിച്ചു വരുകയാണ്.
ബത്തേരി സ്റ്റേഷന് ഇന്സ്പെക്ടര് എസ്. എച്ച്. ഓ ശ്രീകാന്ത് എസ്. നായരുടെ നിര്ദ്ദേശപ്രകാരം സബ് ഇന്സ്പെക്ടര്മാരായ കെ. ശ്രീതു, യദു ഗോപാല്, എഎസ്ഐ മാരായ അശോകന്, ശ്യാം ലാല്, സന്തോഷ്, എസ്.സി.പി.ഓ ദിവാകരന് എന്നിവരാണ് പരിശോധന നടത്തിയത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്