ബത്തേരി സെന്റ് മേരീസ് കോളേജില് ആദ്യ പി.എച്ച്.ഡി ഓപ്പണ് ഡിഫന്സ് വിജയകരമായി നടത്തി
ബത്തേരി: സെന്റ് മേരീസ് കോളേജില് ആദ്യമായി സംഘടിപ്പിച്ച പി.എച്ച്.ഡി ഓപ്പണ് ഡിഫന്സും പബ്ലിക് വൈവ വോസിയും വിജയകരമായി നടന്നു. കോളേജിലെ കൊമേഴ്സ് ഗവേഷണ വിഭാഗത്തിലെ ഗവേഷണ വിദ്യാര്ത്ഥിനി കെ.എ സഫീദ ഗവേഷണ പ്രബന്ധം അവതരിപ്പിച്ചു. ഡോ.ആര്.ഗണേഷിന്റെ മാര്ഗനിര്ദേശത്തിലാണ് സഫീദ ഗവേഷണം പൂര്ത്തിയാക്കിയത്. കോളേജില് നടന്ന ചടങ്ങില് പ്രിന്സിപ്പല് ഡോ. ജോര്ജ് മാത്യു സ്വാഗതം ആശംസിച്ചു. തിരുവനന്തപുരം എം.ജി. കോളേജിലെ കൊമേഴ്സ് വിഭാഗം മേധാവിയും അസോസിയേറ്റ് പ്രൊഫസറുമായ ഡോ.എ.എസ്. വിനോദ് ഓപ്പണ് ഡിഫന്സിനും പബ്ലിക് വൈവ വോസിക്കും ചെയര്മാനായി അധ്യക്ഷത വഹിച്ചു. ഗവേഷണ പ്രബന്ധം അവതരിപ്പിച്ച സഫീദ വിദഗ്ധരുടെ ചോദ്യങ്ങള്ക്ക് വ്യക്തവും അക്കാദമിക നിലവാരം പുലര്ത്തുന്നതുമായ മറുപടികള് നല്കി.കോളേജിലെ ആദ്യ പി.എച്ച്.ഡി ഓപ്പണ് ഡിഫന്സ് വിജയകരമായി പൂര്ത്തിയായത് സ്ഥാപനത്തിന്റെ ഗവേഷണ ചരിത്രത്തിലെ സുപ്രധാന നാഴികക്കല്ലായി. ചടങ്ങില് വിവിധ കോളേജുകളിലെ അധ്യാപകരും ഗവേഷകരും വിദ്യാര്ത്ഥികളും പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്