ചാരായം വാറ്റാന് പാകപ്പെടുത്തിയ 210 ലിറ്റര് വാഷ് പിടികൂടി
നൂല്പ്പുഴ: ലഹരി വ്യാപനം തടയുക എന്ന ലക്ഷ്യത്തോടെ എക്സൈസ് വകുപ്പിന്റെ 'ഓപ്പറേഷന് തണ്ടറിന്റെ ' ഭാഗമായി നൂല്പുഴ മൂക്കുത്തികുന്നു ഭാഗത്ത് വയനാട് എക്സൈസ് ഇന്റലിജിന്സും, സുല്ത്താന് ബത്തേരി എക്സൈസ് സര്ക്കിള് പാര്ട്ടിയും സംയുക്തമായി നടത്തിയ പരിശോധനയില് മൂക്കുത്തിക്കുന്ന് പാലത്തിന്റെ ഉയരത്തിലുള്ള ഗര്ഡറുകള്ക്കിടയില് രഹസ്യമായി സൂക്ഷിച്ചുവെച്ച 210 ലിറ്റര് വാഷ് പിടികൂടി. വാഷ് സൂക്ഷിച്ചുവെച്ച ആളെക്കുറിച്ചുള്ള അന്വേഷണം നടന്നുവരുന്നതായി എക്സൈസ് അറിയിച്ചു. വയനാട് എക്സൈസ് ഇന്റലിജന്സ് ഇന്സ്പെക്ടര് രാജേഷ് കോമത്തിന്റെ നേതൃത്വത്തില് നടന്ന പരിശോധനയില് എക്സൈസ് ഇന്സ്പെക്ടര് സുമേഷ്.പി.എസ്, അസി.എക്സൈസ് ഇന്സ്പെക്ടര് (ഗ്രേഡ്) മാരായ സൈമണ്.കെ.എം, ഹരിദാസ് സി.വി, സുരേഷ് വെങ്ങാലിക്കുന്നേല്, പ്രിവന്റിവ് ഓഫീസര്മാരായ കൃഷ്ണന്കുട്ടി.പി, പ്രകാശന് കെ.വി, അനീഷ് എ. എസ്, വിനോദ് പി.ആര്, സിവില് എക്സൈസ് ഓഫീസര് റാഷിദ്, പ്രിവന്റീവ് ഓഫീസര് ഡ്രൈവര് അബ്ദുല് റഹീം എം വി എന്നിവര് പങ്കെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്