പഠനോപകരണ വിതരണവും സ്നേഹസംഗമവും നടത്തി
കാവുംമന്ദം: വര്ഗീസ് വൈദ്യര് മെമ്മോറിയല് പെയിന് & പാലിയേറ്റീവ് സൊസൈറ്റി ഓഫീസില് വെച്ച് രോഗികളുടെ മക്കള്ക്കുള്ള പഠനോപകരണ വിതരണവും സ്നേഹസംഗമവും നടന്നു.ചടങ്ങില് പാലിയേറ്റീവ് സൊസൈറ്റി കണ്വീനര് മുസ്തഫ പി.കെ സ്വാഗതം ആശംസിച്ചു. വൈസ് ചെയര്മാന് ഷിബു കെ.ടി അധ്യക്ഷത വഹിച്ച ചടങ്ങില് വിനോദ് മാസ്റ്റര് മുഖ്യപ്രഭാഷണം നടത്തി. ഒരു സമൂഹത്തിന്റെ യഥാര്ത്ഥ നന്മ വെളിപ്പെടുന്നത് കാരുണ്യപ്രവര്ത്തനങ്ങളിലൂടെയാണെന്നും, രോഗാവസ്ഥകളിലൂടെ കടന്നുപോകുന്ന കുടുംബങ്ങളിലെ കുട്ടികള്ക്ക് തണലാകാന് ഇത്തരം കൂട്ടായ്മകള്ക്ക് സാധിക്കുന്നത് വലിയ മാതൃകയാണെന്നും അദ്ദേഹം കൂട്ടിച്ചേര്ത്തു.
പാലിയേറ്റീവ് പ്രവര്ത്തനങ്ങള്ക്ക് താങ്ങും തണലുമായി നില്ക്കുന്ന ഗ്രൂപ്പ് അംഗങ്ങളുടെ സാമ്പത്തിക സഹായത്തോടെയാണ് കുട്ടികള്ക്കുള്ള പഠനോപകരണങ്ങളും ഓഫീസ് ആവശ്യങ്ങള്ക്കുള്ള പിന്തുണയും ഉറപ്പാക്കിയത്. ചടങ്ങില് ബിജു കെ.ടി, ജോര്ജ് കൂവക്കല്, ഗ്രീഷ്മ, രജിനി, അനില് കുമാര് ശിവാനന്ദന് എന്നിവര് പങ്കെടുത്ത് സംസാരിച്ചു. പഠനരംഗത്ത് മികച്ച വിജയം കൈവരിച്ച വിദ്യാര്ത്ഥിനികള്ക്ക് ചടങ്ങില് വെച്ച് പ്രത്യേക സ്നേഹോപഹാരവും കൈമാറി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്