മുത്തങ്ങയില് വന് ലഹരി വേട്ട; 35.8 ഗ്രാം എം.ഡി.എം.എ യുമായി യുവാക്കള് പിടിയില്
ബത്തേരി: കര്ണാടകയില് നിന്ന് കെ.എസ്.ആര്.ടി.സി ബസില് കടത്തുകയായിരുന്നു മാരക മയക്കുമരുന്നായ എം.ഡി.എം.എയുമായി മൂന്ന് യുവാക്കള് മുത്തങ്ങയില് പിടിയില്. മീനങ്ങാടി സ്വദേശികളായ മൈലമ്പാടി, പുത്തന്പുരക്കല് വീട്ടില് പി.വി. വൈഷ്ണവ് (20), കൃഷ്ണഗിരി, അത്തിമൂല, പുതിയേറ്റികണ്ടി വീട്ടി പി.കെ മുഹമ്മദ് ആഷിഖ് (21), പുളിക്കല് വീട്ടില്, പി.ആദില് റമീസ്(20) എന്നിവരെയാണ് ജില്ലാ ലഹരി വിരുദ്ധ സ്ക്വാഡും ബത്തേരി പോലീസും ചേര്ന്ന് പിടികൂടിയത്. കര്ണ്ണാടകയില് നിന്നും വന്ന കെ.എസ്.ആര്.ടി.സി ബസിലെ യാത്രക്കാരായ ഇവരില് നിന്ന് 35.8 ഗ്രാം എം.ഡി.എം.എ ആണ് പിടിച്ചെടുത്തത്. ബാംഗ്ലൂരില് നിന്ന് ലഹരി വാങ്ങി സംസ്ഥാനത്ത് വില്പ്പനക്കായി ഒളിച്ചു കടത്തുകയായിരുന്നു. മുത്തങ്ങയില് നടത്തിയ പോലീസ് പരിശോധനയിലാണ് പ്രതികള് വലയിലായത്. എസ്.ഐ ജെസ്വിന് ജോയ്, എ.എസ്.ഐമാരായ അബ്ദുള് ഗഫൂര്, പി.എം. ഷാജി, എസ്.സി.പി.ഒമാരായ ടി.എച്ച്. ഉനൈസ്, വി.ജെ. സ്മിജു, ശിവദാസന്, പ്രദീപന്, സി.പി.ഒമാരായ എം. മിതിന്, സുനില് എന്നിവരാണ് പോലീസ് സംഘത്തില് ഉണ്ടായിരുന്നത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്