മുത്തങ്ങയില് വന് കുഴല്പ്പണവേട്ട; രണ്ടു കോടിയിലധികം കുഴല്പണവുമായി 2 പേര് പോലീസിന്റെ പിടിയില്
ബത്തേരി: കാറില് കടത്തുകയായിരുന്ന രണ്ടു കോടിയിലധികം രൂപയുടെ കുഴല്പണവുമായി രണ്ടുപേരെ പോലീസ് പിടികൂടി. ബത്തേരി മുള്ളന്കുന്ന് കണ്ടാക്കോല് വീട്ടില് അര്ഷാദ് (44), കൊടുവള്ളി മദ്രസ ബസാര് പിലാത്തോട്ടത്തില് വീട്ടില് പി.ടി ഇസ്മായില് (40) എന്നിവരെയാണ് ജില്ലാ ലഹരി വിരുദ്ധ സ്ക്വാഡും ബത്തേരി പോലീസും നടത്തിയ സംയുക്ത പരിശോധനയില് പിടികൂടിയത്. മുത്തങ്ങ തകരപ്പാടിയിലുള്ള പോലീസ് ചേക്ക് പോസ്റ്റില് നടത്തിയ വാഹന പരിശോധനക്കിടെയാണ് ഇവര് പിടിയിലായത്.
കര്ണാടക ഭാഗത്തുനിന്നും വന്ന കെ. എ 51 എം.യു 5173 നമ്പര് കാറിലാണ് പണം കടത്താന് ശ്രമിച്ചത്. ഡിക്കിയുടെ ഇരു വശങ്ങളിലും ബ്രേക്ക് ലൈറ്റ്നോട് ചേര്ന്ന് അനധികൃതമായി നിര്മിച്ച പ്രത്യേകം അറകള്ക്കുള്ളില് ഒളിപ്പിച്ച 2,27,43000 (രണ്ടുകോടി 27 ലക്ഷത്തി നാല്പ്പത്തിമൂവായിരം) രൂപയാണ് കണ്ടെടുത്തത്.
പിടിച്ചെടുത്ത തുകയും വാഹനവും മറ്റും ബത്തേരി ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി മുമ്പാകെ റിപ്പോര്ട്ട് സഹിതം ഹാജരാക്കി. കൂടുതല് വിവരങ്ങള് പോലീസ് അന്വേഷിച്ചു വരികയാണ്. ബത്തേരി സ്റ്റേഷന് ഇന്സ്പെക്ടര് എസ് എച്ച് ഓ ശ്രീകാന്ത് എസ് നായരുടെ നേതൃത്വത്തില് സബ് ഇന്സ്പെക്ടര് പി ജയപ്രകാശ്, സിവില് പോലീസ് ഓഫീസര്മാരായ അനിത്ത്, അനില്കുമാര്, വിനീഷ, പ്രദീപന് എന്നിവരടങ്ങുന്ന സംഘമാണ് പരിശോധന നടത്തിയത്.
നല്ലൂര്നാട് ഗവ.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്