വാഹനാപകടത്തില് പരിക്കേറ്റ് ചികിത്സയിലായിരുന്ന അധ്യാപിക മരിച്ചു.
കല്ലോടി: കല്ലോടി പടക്കൂട്ടില് വിനീതിന്റെ ഭാര്യ സ്റ്റെഫി (33) ആണ് കോഴിക്കോട് മിംസ് ആശുപത്രിയില് തീവ്ര പരിചരണ വിഭാഗത്തില് ചികിത്സയിലിരിക്കെ പുലര്ച്ചെ മരിച്ചത്. കഴിഞ്ഞ ചൊവ്വാഴ്ച രാവിലെ ഇവര് സഞ്ചരിച്ച ബൈക്കും ട്രാവലറും കല്ലോടിക്ക് സമീപം അയിലമൂല മെതിയറയില്വെച്ച് കൂട്ടിയിടിച്ചാണ് അപകടമുണ്ടായത്. സ്റ്റെഫി വെള്ളമുണ്ട സെന്റ് ആന്സ് ഇംഗ്ലീഷ് മീഡിയം സ്കൂള് അധ്യാപികയാണ്. അയിലമൂല കളരിക്കല് അപ്പച്ചന്റെയും മേഴ്സിയുടെയും മൂത്ത മകളാണ്. അപകടത്തില് വിനീതിനും, മകന് ഇയാനും പരിക്കേറ്റിരുന്നു. മക്കള്: ഇവാന റോസ് വിനീത്, ഇയാന് അല്ഫോന്സ് വിനീത്സംസ്കാര ചടങ്ങുകള് നാളെ ( മാര്ച്ച് 11 ബുധനാഴ്ച) രാവിലെ 9 മണിക്ക് വീട്ടില് ആരംഭിക്കും. തുടര്ന്ന് സംസ്ക്കാരം 10 മണിക്ക് കല്ലോടി സെന്റ് ജോര്ജ് ഫൊറോന പള്ളി സെമിത്തേരിയില് നടക്കും.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്