കാരാപ്പുഴ ജലസേചന പദ്ധതി: ജലവിതരണം ആരംഭിച്ചു; പൊതുജനങ്ങള് ജാഗ്രത പാലിക്കണം
കാരാപ്പുഴ ജലസേചന പദ്ധതിയുടെ ഭാഗമായി മുട്ടില് ഗ്രാമപഞ്ചായത്തിലെ ഇടതുകര പ്രധാന കനാലിലൂടെ ജലവിതരണം ആരംഭിച്ചതായി കാരാപ്പുഴ പ്രൊജക്ട് ഡിവിഷന് എക്സിക്യൂട്ടീവ് എന്ജിനീയര് അറിയിച്ചു. ജലവിതരണം ആരംഭിച്ചതിനാല് പ്രദേശവാസികളും കുട്ടികളും കനാലില് ഇറങ്ങാതെ ജാഗ്രത പാലിക്കണം. അമ്പലവയല്, മീനങ്ങാടി ഗ്രാമ പഞ്ചായത്തിലൂടെ കടന്നു പോകുന്ന വലതുകര കനാലില് ചെണ്ടക്കുനി വരെയുള്ള പ്രദേശത്ത് നിലവില് ജലവിതരണം ആരംഭിച്ചിട്ടുണ്ട്. കാര്യാമ്പാടി, കൊള്ളിയില് ബ്രാഞ്ച് കനാലുകളിലൂടെ വരും ദിവസങ്ങളില് ജലവിതരണം നടത്തുമെന്നും അധികൃതര് അറിയിച്ചു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്