കുപ്രസിദ്ധ മദ്യവില്പ്പനക്കാരന് മുത്തപ്പന് സുരേഷ് അറസ്റ്റില്
വെണ്ണിയോട്: ക്രിസ്തുമസ് ന്യൂഇയര് സ്പെഷ്യല് എന്ഫോഴ്സ്മെന്റ് െ്രെഡവുമായി ബന്ധപ്പെട്ട് കല്പ്പറ്റ എക്സൈസ് റെയിഞ്ച് ഇന്സ്പെക്ടര് ജി. ജിഷ്ണുവും സംഘവും വെണ്ണിയോട് വലിയകുന്ന് ഭാഗത്ത് നടത്തിയ റെയിഡില് വില്പ്പനക്കായി സൂക്ഷിച്ചുവച്ച 23 ലിറ്റര് വിദേശമദ്യവുമായി അനധികൃത മദ്യവില്പ്പനക്കാരനെ അറസ്റ്റ് ചെയ്തു. വെണ്ണിയോട് വലിയകുന്ന് സ്വദേശി വലിയകുന്ന് വീട്ടില് സുരേഷ്. വി.എ (50) എന്നയാളെയാണ് അറസ്റ്റ് ചെയ്തത്. വെണ്ണിയോട് വലിയകുന്ന് ഭാഗങ്ങളില് വ്യാപകമായി മദ്യവില്പ്പന നടത്തുന്നതായുള്ള രഹസ്യവിവരത്തിന്റെ അടിസ്ഥാനത്തില് ഇയാള് എക്സൈസിന്റെ നിരീക്ഷണത്തിലായിരുന്നു.പരിശോധനയില് പ്രിവന്റീവ് ഓഫീസര്മാരായ പി.ഷാജി, സുനില്കുമാര് എം,എ,സിവില് എക്സൈസ് ഓഫീസര്മാരായ മുഹമ്മദ് മുസ്തഫ,ടി, പ്രജീഷ് എം.വി , പ്രോമിസ് എം,പി, വജീഷ്കുമാര് വി.പി, വനിതാ സിവില് എക്സൈസ് ഓഫീസര് സജ്ന പി.യു എന്നിവര് പങ്കെടുത്തു.
10 വര്ഷം വരെ കഠിനതടവ് ശിക്ഷ ലഭിച്ചേക്കാവുന്ന കുറ്റമാണിത്.
മദ്യവില്പ്പന സംഘത്തിലെ മറ്റു കണ്ണികളെ കുറിച്ചുള്ള അന്വേഷണം പുരോഗമിച്ചു വരുന്നതായി എക്സൈസ് അറിയിച്ചു.കോടതിയില് ഹാജരാക്കിയ പ്രതിയെ വൈത്തിരി സബ്ജയിലില് റിമാന്റ് ചെയ്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്