കര്‍ണ്ണാടകയിലെ വാഹനാപകടം: പരിക്കേറ്റ് ചികിത്സയിലായിരുന്ന കുട്ടിയും മരിച്ചു
മടക്കിമല: കര്‍ണാടക ബേഗൂരിന് സമീപമുണ്ടായ വാഹനാപകടത്തില്‍ ഗുരുതര പരിക്കേറ്റ് ചികിത്സയിലായിരുന്ന കുട്ടിയും മരണപ്പെട്ടു. അപകടത്തില്‍ മരണപ്പെട്ട ജസീറയുടെയും, പരിക്കേറ്റ മടക്കിമല നുച്ചയില്‍ മുഹമ്മദ് ഷാഫിയുടെയും മകന്‍ ഹൈസം ഹാനാന്‍ (3) ആണ് മരണപ്പെട്ടത്. തലയ്ക്ക് പരിക്കേറ്റ് മൈസൂര്‍ മണിപ്പാല്‍ ആശുപത്രിയില്‍ ചികിത്സയിലിരിക്കെ ഇന്ന് 12 മണിയോടെയാണ് മരണം സംഭവിച്ചത്. കമ്പളക്കാട് കരിഞ്ചേരി അബ്ദുല്‍ ബഷീര്‍ (54) ഉം അപകടത്തില്‍ മരണപ്പെട്ടിരുന്നു. ഇതോടെ മരിച്ചവരുടെ എണ്ണം മൂന്നായി,
ഇവര്‍ സഞ്ചരിച്ച സ്വിഫ്റ്റ് കാറില്‍ ടോറസ് ലോറി ഇടിച്ചാണ് അപകടമുണ്ടായത്. വിദേശ സന്ദര്‍ശനം കഴിഞ്ഞു ബാംഗ്ലൂര്‍ വിമാന താവളത്തില്‍ ഇറങ്ങി നാട്ടിലേക്ക് തിരികെ വരുന്നതിനിടെയാണ് അപകടം സംഭവിച്ചത്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍