പാല്ച്ചുരത്തില് ലോറി കൊക്കയിലേക്ക് മറിഞ്ഞു ;ഒരാള് മരിച്ചു; ഒരാള്ക്ക് പരിക്ക്
പാല്ച്ചുരം: പാല്ച്ചുരത്തില് ലോറി കൊക്കയിലേക്ക് മറിഞ്ഞു. അപകടത്തില് ലോറി ഡ്രൈവര് തമിഴ്നാട് സ്വദേശി സെന്തില് കുമാര് (54) മരണപ്പെട്ടു. സഹയാത്രികനായ സെന്തില് (44) നിസാര പരിക്കുകളോടെ രക്ഷപ്പെട്ടു. കമ്പിയുടെ കേബിള് കയറ്റി കാസര്കോഡേക്ക് പോകുന്നതിനിടെ രാത്രി 11.30 ഓടെയായിരുന്നു അപകടം. നിയന്ത്രണം വിട്ട ലോറി നൂറടിയോളം താഴ്ചയിലേക്ക് പതിച്ചു. ഇതിനിടയില് ലോറിയിലുണ്ടായിരുന്ന സഹായി സെന്തില് ചാടി രക്ഷപ്പെടുകയായിരുന്നു. തുടര്ന്ന് മാനന്തവാടിയില് നിന്നുള്ള അഗ്നി രക്ഷാ സേനയും, പോലീസും, നാട്ടുകാരും രക്ഷാപ്രവര്ത്തനം നടത്തിയെങ്കിലും ലോറിയില് കുടുങ്ങിയ ഡ്രൈവര് സെന്തില് കുമാറിനെ രക്ഷിക്കാന് കഴിഞ്ഞില്ല.അഗ്നി രക്ഷാ സേനാംഗങ്ങള് ഏറെ പരിശ്രമിച്ചാണ് െ്രെഡവറെ പുറത്തെടുത്തത്.
മൃതദേഹം മാനന്തവാടി മെഡിക്കല് കോളേജിലാണ് സൂക്ഷിച്ചിരിക്കുന്നത്
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്