കര്ണ്ണാടകയില് വാഹനാപകടം: 2 വയനാട്ടുകാര് മരണപ്പെട്ടു
ഗുണ്ടല്പേട്ട: കര്ണാടക ബേഗൂരിന് സമീപം കമ്പളക്കാട് സ്വദേശികളായ കുടുംബം സഞ്ചരിച്ച കാര് അപകടത്തില്പെട്ട് രണ്ട് പേര് മരണപ്പെട്ടു. കമ്പളക്കാട് കരിഞ്ചേരി അബ്ദുല് ബഷീര് (54), സഹോദരിയുടെ മകന്റെ ഭാര്യ ജഫീറ(28)എന്നിവരാണ് മരണപെട്ടത്. സഹയാത്രികരായ ബഷീറിന്റെ സഹോദരിയുടെ മകനും, മരണപെട്ട ജഫീറെയുടെ ഭര്ത്താവുമായ മടക്കിമല നുച്ചയില് മുഹമ്മദ് ഷാഫി (32), ഷാഫിയുടെ മകന് ഹൈസം ഹാനാന് (3) ബഷീറിന്റെ ഭാര്യ നസീമ എന്നിവരെ മൈസൂര് മാണിപ്പാല് ആശുപത്രിയില് പ്രവേശിപ്പിച്ചു. ഇവര് സഞ്ചരിച്ച സ്വിഫ്റ്റ് കാറില് ടോറസ് ലോറി ഇടിച്ചാണ് അപകടം. ഇന്ന് രാവിലെ പത്ത് മണിയോടെയാണ് അപകടമുണ്ടായത്. വിദേശ സന്ദര്ശനം കഴിഞ്ഞു ബാംഗ്ലൂര് വിമാന താവളത്തില് ഇറങ്ങി നാട്ടിലേക്ക് തിരികെ വരുന്നതിനിടെയാണ് അപകടം. മരണപെട്ടവരുടെ പോസ്റ്റ് മോര്ട്ടം നടപടികള് ബേഗുര് സര്ക്കാര് ആശുപത്രിയില് നടത്തിയ ശേഷം രാത്രിയോടെ കമ്പളക്കാട് എത്തുമെന്നാണ് സൂചന.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്