പുള്ളിമാനിനെ കുരുക്ക് വെച്ച് പിടികൂടി ഇറച്ചിയാക്കി; രണ്ടുപേര്‍പിടിയില്‍
പുല്‍പ്പള്ളി: പാതിരി റിസര്‍വ് വനത്തില്‍ അതിക്രമിച്ചു കയറി പുള്ളിമാനിനെ കുരുക്ക് വെച്ച് പിടികൂടി ഇറച്ചിയാക്കിയ രണ്ടു പേര്‍ പുല്‍പ്പള്ളി ഫോറസ്റ്റ് സ്‌റ്റേഷന്‍ വനപാലകരുടെ പിടിയിലായി. പാതിരി ഉന്നതിയിലെ സതീഷ് (40) , രാജന്‍ (44) എന്നിവരാണ് പുള്ളിമാനിന്റെ ഇറച്ചി സഹിതം പിടിയിലായത്. മാനിന്റെ ജഡാവശിഷ്ടങ്ങള്‍, കുരുക്കു വയ്ക്കാന്‍ ഉപയോഗിച്ച കേബിള്‍, ആയുധങ്ങള്‍ എന്നിവ പ്രതികള്‍ പാതിരി റിസര്‍വ് വനത്തിനകത്ത് പൊളന്ന ഭാഗത്തുനിന്നും കണ്ടെടുത്തു. പുല്‍പ്പള്ളി ഫോറസ്റ്റ് സ്‌റ്റേഷനിലെ വനപാലകരായ അഖില്‍ സൂര്യദാസ് എ.എസ്, അഭിലാഷ് സി.എസ് എന്നിവരുടെ നേതൃത്വത്തിലാണ് പ്രതികളെ പിടികൂടിയത്. പ്രതികള്‍ വില്‍പ്പനയ്ക്കായി കാട്ടിറച്ചി സ്ഥിരമായി നല്‍കുന്ന പട്ടാണിക്കുപ്പ് ഭാഗത്തുള്ള പ്രതിയെ കൂടി പിടികിട്ടാനുണ്ടെന്നു അന്വേഷണ ഉദ്യോഗസ്ഥനായ ചെതലത്ത് റെയിഞ്ച് ഓഫീസര്‍ എം.കെ.രാജീവ് കുമാര്‍ അറിയുച്ചു. മോഹന്‍ കുമാര്‍, ഒ.രാജു, താരനാഥ്, പി.എസ് ശ്രീജിത്ത് ജോജിഷ്, അശ്വിന്‍, വിപിന്‍ എന്നിവരും സഹായത്തിനായി വനംവകുപ്പ് സംഘത്തില്‍ ഉണ്ടായിരുന്നു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍
caatq7