സംസ്ഥാനത്ത് ഇന്ന് ശക്തമായ മഴയ്ക്ക് സാധ്യത; അഞ്ച് ജില്ലകളില് ഓറഞ്ച് അലര്ട്ട്

തിരുവനന്തപുരം: സംസ്ഥാനത്ത് പരക്കെ ഇന്ന് ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. എല്ലാജില്ലകളിലും മഴ മുന്നറിയിപ്പുണ്ട് . കോട്ടയം, പത്തനംതിട്ട ഇടുക്കി, വയനാട്, മലപ്പുറം ജില്ലകളില് ഓറഞ്ച് അലര്ട്ട് പ്രഖ്യാപിച്ചു. ബാക്കി ജില്ലകളില് യെലോ അലര്ട്ടും പ്രഖ്യാപിച്ചു. ബംഗാള് ഉള്ക്കടലില് രൂപംകൊണ്ട ന്യൂനമര്ദ്ദമാണ് ന്യൂനമര്ദ്ദമാണ് മഴ ശക്തമാക്കുന്നത്.വടക്കു പടിഞ്ഞാറന് ബംഗാള് ഉള്ക്കടലിനും അതിനോട് ചേര്ന്നുള്ള പശ്ചിമ ബംഗാള് ബംഗ്ലാദേശ് തീരത്തിനും മുകളിലായി ജൂണ് 29 ഓടെ ചക്രവാത ചുഴി രൂപപെടാനും തുടര്ന്നുള്ള 24 മണിക്കൂറില് ന്യൂനമര്ദമായി ശക്തിപ്രാപിക്കാനും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.കേരളത്തില് അടുത്ത 5 ദിവസം ശക്തമായ മഴയ്ക്ക് സാധ്യതതയുണ്ട്. 60 കിലോമീറ്റര് വരെ വേഗതയില് കാറ്റിനും കടലേറ്റത്തിനും സാധ്യതയുണ്ട്.


കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്