കൂടെയുണ്ട് കരുത്തേകാന്‍ പദ്ധതി; വയനാട് ജില്ലാ തല ഉദ്ഘാടനം മന്ത്രി ഒ.ആര്‍. കേളു നിര്‍വ്വഹിച്ചു
മാനന്തവാടി: പൊതുവിദ്യാഭ്യാസ വകുപ്പ് ഹയര്‍സെക്കന്‍ഡറി വിഭാഗത്തിന്റെ നേതൃത്വത്തില്‍ സംഘടിപ്പിക്കുന്ന കൂടെയുണ്ട് കരുത്തേകാന്‍പദ്ധതിയുടെ ജില്ലാ തല ഉദ്ഘാടനം ആറാട്ടുത്തറ ഗവ. ഹയര്‍ സെക്കണ്ടറി സ്‌കൂളില്‍ സംസ്ഥാന പട്ടികജാതി പട്ടിക വര്‍ഗ്ഗ പിന്നാക്ക ക്ഷേമ വകുപ്പ് മന്ത്രി ഒ.ആര്‍. കേളു നിര്‍വ്വഹിച്ചു.വ ിദ്യാര്‍ത്ഥികളുടെ ശാരീരിക മാനസിക സാമൂഹ്യ ആരോഗ്യം പരിപോഷിപ്പിക്കുക എന്ന ലക്ഷ്യത്തോടെ കൗമാരപ്രായക്കാരായ വിദ്യാര്‍ത്ഥികളെ ശാക്തീകരിക്കുക എന്നതും അധ്യാപക രക്ഷാകര്‍തൃ ശാക്തീകരണവുമാണ് പദ്ധതി കൊണ്ട് ഉദ്ദേശിക്കുന്നത്. കുട്ടികളുടെ മാനസിക സുസ്ഥിതി സമൂഹത്തിന് മുതല്‍ക്കൂട്ട്, കൗമാര പെരുമാറ്റങ്ങളിലെ അപകടസാധ്യതകളും സംരക്ഷണ ഘടകങ്ങളും , വാഹന ഉപയോഗം അറിയേണ്ടതും പാലിക്കേണ്ടതും,വ്യക്തി ശുചിത്വവും പരിസര ശുചിത്വവും, ജീവിതമാണെന്റെ ലഹരി, നിയമം എന്നിങ്ങനെ ആറ് മേഖലകളില്‍ പരിശീലനം ലഭിച്ച അധ്യാപകര്‍ മുഴുവന്‍ രക്ഷിതാക്കള്‍ക്കും വിദ്യാര്‍ത്ഥികള്‍ക്കും
പരിശീലനം ലഭിച്ച അധ്യാപകര്‍ വിദ്യാലയങ്ങളിലെ മറ്റ് അധ്യാപകര്‍ക്കും , രക്ഷിതാക്കള്‍ക്കും ,വിദ്യാര്‍ത്ഥികള്‍ക്കും ക്ലാസ്സുകള്‍ നല്‍കും.
മാനന്തവാടി നഗരസഭാ ചെയര്‍പേഴ്‌സണ്‍ സി.കെ. രത്‌നവല്ലി അദ്ധ്യക്ഷത വഹിച്ചു. നഗരസഭ ക്ഷേമ കാര്യ സ്റ്റാന്‍ഡിംഗ് കമ്മറ്റി ചെയര്‍മാന്‍ വിപിന്‍ വേണുഗോപാല്‍, കൗണ്‍സിലര്‍ സുനില്‍കുമാര്‍ ഹയര്‍ സെക്കന്‍ഡറി ജില്ലാ കോഡിനേറ്റര്‍ എം. കെ. ഷിവി , കരിയര്‍ ഗൈഡന്‍സ് ജില്ലാ കോഡിനേറ്റര്‍ കെ.ബി. സിമില്‍, പ്രിന്‍സിപ്പാള്‍ ഡോ. പി. ശിവപ്രസാദ് ,പി.ടി.എ പ്രസിഡണ്ട് പി. എല്‍ രാജീവ്, സൗഹൃദ കോഡിനേറ്റര്‍ സിന്ധു ജോസഫ്,കരിയര്‍ ഗൈഡ് സി . നൗഷാദ് എന്നിവര്‍ പരിപാടിക്ക് നേതൃത്വം നല്‍കി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍
9zfah4
wbecgl