ബസ്സുകള്‍ തമ്മില്‍ കൂട്ടിയിടിച്ചു യാത്രക്കാര്‍ക്ക് പരിക്ക്
കാട്ടിക്കുളം: കാട്ടിക്കുളം തിരുനെല്ലി റോഡില്‍ പോലീസ് എയ്ഡ് പോസ്റ്റ് കഴിഞ്ഞ് ഒന്നാം മൈലിന് സമീപം സ്വകാര്യ ബസ്സും ടൂറിസ്റ്റ് ബസ്സും കൂട്ടിയിടിച്ചു. നിരവധി യാത്രക്കാര്‍ക്ക് പരിക്കേറ്റു. മുപ്പതോളം പേരെ ഇതുവരെ മാനന്തവാടി മെഡിക്കല്‍ കോളേജിലേക്ക് എത്തിച്ചിട്ടുണ്ട്. ഇവരുടെ ആരുടേയും നില ഗുരുതരമല്ലെന്നാണ് പ്രാഥമിക വിവരം. മൂന്നോളം പേര്‍ക്ക് കുറച്ച് സാരമായ പരിക്കുണ്ടെന്നും എന്നാല്‍ ആരെയും റഫര്‍ ചെയ്യേണ്ട സാഹചര്യം നിലവിലില്ലെന്നുമാണ് ആശുപത്രിയില്‍ നിന്നും ലഭിക്കുന്ന ആദ്യ വിവരങ്ങള്‍. നിസാര പരിക്കേറ്റ ചിലര്‍ കാട്ടിക്കുളത്തെ ബേഗൂര്‍ പ്രാഥമികാരോഗ്യ കേന്ദ്രത്തിലും ചികിത്സ തേടിയതായി റിപ്പോര്‍ട്ടുകളുണ്ട്. തിരുനെല്ലി ക്ഷേത്ര സന്ദര്‍ശനം നടത്തി മടങ്ങിയ രാമനാട്ടുകര സ്വദേശികള്‍ സഞ്ചരിച്ച ടൂറിസ്റ്റ് ബസ്സും , തിരുനെല്ലിയിലേക്ക് പോകുകയായിരുന്ന സ്വകാര്യ ബസ്സും തമ്മിലാണ് കൂട്ടിയിടിച്ചത്. ഇന്ന് രാവിലെ ഒമ്പത് മണിയോടെയായിരുന്നു അപകടം.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍
06bzd4
bku9ow
8dcda0