മാനിനെ വേട്ടയാടി കറിവെച്ചു; നാല് പേര്‍ പിടിയില്‍
നൂല്‍പ്പുഴ: വയനാട് വന്യജീവിസങ്കേതത്തില്‍ മാനിനെ വേട്ടയാടിയ നാല് പേരെ വനംവകുപ്പ് പിടികൂടി. നൂല്‍പ്പുഴ മുക്കുത്തികുന്ന് സ്വദേശികളായ പുളിക്കചാലില്‍ പി.എസ്. സുനില്‍(59), തടത്തില്‍ ചാലില്‍ റ്റി.എസ് സന്തോഷ് (56), പുത്തൂര്‍കൊല്ലി പി.കെ രാധാകൃഷ്ണന്‍ (48), വാളംവയല്‍ ബി.എം ശിവരാമന്‍ (62) എന്നിവരാണ് വനംവകുപ്പിന്റെ പിടിയിലായത്. സുനിലിന്റെ വീട്ടില്‍വെച്ച് മാനിറച്ചി കറിവെക്കുന്ന സമയത്താണ് രഹസ്യവിവരത്തിന്റെ അടിസ്ഥാനത്തില്‍ ഇന്ന് ഉച്ചയോടെ നാലുപേരും പിടിയിലാകുന്നത്. ഇവിടെ നിന്ന് പാചകം ചെയ്ത് ഇറച്ചിയും ബക്കറ്റില്‍ സൂക്ഷിച്ചിരുന്ന ഇറച്ചിയും ആയുധങ്ങളും കണ്ടെടുത്തു.
നായ്ക്കള്‍ ഓടിച്ചു കൊണ്ടുവന്ന മാന്‍ ചെറിയ പരുക്കുകളോടെ പ്രദേശത്ത് തന്നെ നില്‍ക്കുകയും പിടിയിലായ നാല്‍വര്‍ സംഘം മാനിനെ പിടികൂടി കൊന്ന് ഇറച്ചിയാക്കി കറിവെക്കുകയുമായിരുന്നു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍