കഴിഞ്ഞ ദിവസം രാത്രി ബത്തേരിയില് നിന്നും തൊടുപുഴയ്ക്ക് പോയ കെ.എസ്.ആര്.ടി.സി ബസ്സാണ് അപകടത്തില്പെട്ടത്.പുലര്ച്ചെ 6 മണിയോടെ അങ്കമാലിയില് വെച്ച് ലോറിയുമായി കൂട്ടിയിടിച്ചാണ് അപകടം. അപകടത്തില് ബസ്സ് ഡ്രൈവര് കാക്കവയല് സ്വദേശി റിയാസ്, കണ്ടക്ടര് ബാലുശ്ശേരി സ്വദേശി അനീഷ് എന്നിവര്ക്കും രണ്ട് യാത്രക്കാര്ക്കും പരിക്കേറ്റിട്ടുണ്ട്. ആരുടേയും നില ഗുരുതരമല്ല. താമരശ്ശേരി ചുരത്തില് ഗതാഗത തടസം നേരിട്ടതിനാല് ഒന്നരമണിക്കൂര് വൈകി ആയിരുന്നു ബസ് അങ്കമാലിയിലെത്തിയത്. നാല് വരി പാതയുടെ രണ്ടാം പാതയിലൂടെ പോകുകയായിരുന്നു ബസ്. ബസിന്റെ മുന്നിലുണ്ടായിരുന്ന ലോറിയുടെ മുന്നിലേക്ക് ഒന്നാം നിരയില് പോകുകയായിരുന്ന കാര് പെട്ടെന്ന് വെട്ടിച്ചു കയറുകയും ലോറി തല്ക്ഷണം ബ്രേക്കിടുകയും ചെയ്തു. ഈ ലോറിയുടെ പിന്നിലിടിച്ചാണ് ബസ് അപകടത്തില്പ്പെട്ടത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്