ജമാഅത്തെ ഇസ്ലാമി: ടി.പി യൂനുസ് ജില്ല പ്രസിഡന്റ്, ഒ.അഷ്‌റഫ് ജനറല്‍ സെക്രട്ടറി
കല്‍പ്പറ്റ: സങ്കുചിത ദേശീയതയുടെ പേരില്‍ രാജ്യത്ത് ആള്‍ക്കൂട്ട ആക്രമണം വര്‍ധിക്കുന്നത് ഏറെ ആശങ്കാജനകമാണെന്ന് ജമാഅത്തെ ഇസ്ലാമി വയനാട് ജില്ലാ സമിതി വിലയിരുത്തി. ആള്‍ക്കൂട്ട ആക്രമണത്തിന് വിധേയമായി കൊല്ലപ്പെട്ട പുല്‍പ്പള്ളിയിലെ അഷ്‌റഫിന്റെ കുടുംബത്തിന് നീതി ലഭിക്കണമെന്ന് കല്‍പ്പറ്റയില്‍ നടന്ന ജില്ലാ സമിതി തെരഞ്ഞെടുപ്പ് യോഗം ആവശ്യപ്പെട്ടു. ജില്ലാ പ്രസിഡണ്ടായി ടി.പി യൂനുസ്, ജനറല്‍ സെക്രട്ടറിയായി ഒ.അഷ്‌റഫ്, വൈസ് പ്രസിഡണ്ടായി സി.കെ സമീര്‍, സെക്രട്ടറിമാരായി അബൂബക്കര്‍ എം.പി, അബ്ദുല്‍ ജലീല്‍ എന്നിവരെ തെരഞ്ഞുത്തു.
ആബിദലി.കെ.എം (മസ്ജിദ് കൗണ്‍സില്‍, ഖുര്‍ആന്‍ സ്റ്റഡി സെന്റര്‍), സിദ്ദീഖ്.വി.കെ (മലര്‍വാടി), മുനവ്വര്‍.കെ.പി (ടീന്‍ ഇന്ത്യ), ജലീല്‍.കെ (പിആര്‍& മീഡിയ), റഫീഖ് കോനൂര്‍ (സോഷ്യല്‍ മീഡിയ, സമീര്‍.സി.കെ (ജനസേവനം), മുഹമ്മദ്.പി.കെ (എല്‍പിഎച്ച്) എന്നിവരെ കോഡിനേറ്റര്‍മാരായും തെരഞ്ഞെടുത്തു. ജമാഅത്തെ ഇസ്ലാമി ശൂറ അംഗം ടി മുഹമ്മദ് നേതൃത്വം നല്‍കി.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍