ഡിവൈഎഫ്ഐ പ്രവര്ത്തകര് തന്നെ ആക്രമിക്കാന് ശ്രമിച്ചു: ഐ.സി ബാലകൃഷ്ണന് എംഎല് എ ;അക്രമ രാഷട്രീയത്തെ വെച്ചു പൊറുപ്പിക്കില്ല: കോണ്ഗ്രസ്
ചുള്ളിയോട്: കരിങ്കൊടി പ്രതിഷേധത്തിനിടെ ഡിവൈഎഫ്ഐ പ്രവര്ത്തകര് ആക്രമിക്കാന് ശ്രമിച്ചെന്ന് ഐ സി ബാലകൃഷ്ണന് എം എല് എ. ചുള്ളിയോട് പൊതുപരിപാടിയില് പങ്കെടുക്കാനെത്തിയ തന്നെ കൂട്ടമായെത്തിയ ഡിവൈഎഫ് ഐ പ്രവര്ത്തകര് കരിങ്കൊടിയുമായി തടഞ്ഞതായും, വാഹനത്തില് നിന്നുമിറങ്ങിയ തന്നെ കരിങ്കൊടി കെട്ടാനുപയോഗിച്ച വലിയ വടി ഉപയോഗിച്ച് അടിക്കാന് ശ്രമിച്ചതായും എം എല് എ പറഞ്ഞു. ഇത് ഗണ്മാന് സുദേശന് തടഞ്ഞതോടെ ഗണ്മാനെ പ്രതിഷേധക്കാര് വളഞ്ഞിട്ടു ആക്രമിച്ചു. ഇദ്ദേഹം പരിക്കുകളോടെ ചികിത്സയിലാണ്. മര്ദ്ദനത്തോടൊപ്പം അസഭ്യവര്ഷവും നടത്തിയതായും എം എല് എ കുറ്റപ്പെടുത്തി. കരിങ്കൊടി പ്രതിഷേധം സ്വാഭാവികമാണെന്നും എന്നാല് ജീവന് ഭീഷണിയുണ്ടാകുന്ന തരത്തില് അതിക്രമം നടത്തുന്നത് ശരിയല്ലെന്നും സംഭവത്തിന് പൊലീസില് പരാതി നല്കുമെന്നും അദ്ദേഹം പറഞ്ഞു.
ജനപ്രതിനിധികളെ വഴിയില് തടയുന്ന ഡിവൈഎഫ്ഐ- സി പി എം നടപടി കാടത്തമാണെന്നും അക്രമരാഷട്രീയത്തെ വെച്ചു പൊറുപ്പിക്കില്ലെന്നും ഡിസിസി അധ്യക്ഷന് എന്ഡി അപ്പച്ചന് പറഞ്ഞു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്