വിദ്യാര്‍ത്ഥികളായ സഹോദരന്‍മാര്‍ അടിച്ച് പൂസ്സായി അവശരായ; ഇരുവരും ചികിത്സയില്‍
മാനന്തവാടി:മാനന്തവാടി താലൂക്കിലെ ഒരു വിദ്യാലയത്തിലെ 8, 9 ക്ലാസുകളില്‍ പഠിക്കുന്ന സഹോദരങ്ങളായ വിദ്യാര്‍ത്ഥികളെ മദ്യപിച്ച് അവശരായ നിലയില്‍ കണ്ടെത്തി. ദിവസങ്ങളായി സ്‌കൂളിലെത്താതിരുന്ന ഇരുവരേയും ഇന്ന് നാട്ടുകാരാണ് ഇവര്‍ താമസിക്കുന്ന ആദിവാസി നഗറിനോട് ചേര്‍ന്ന സ്ഥലത്ത് അവശരായി കണ്ടെത്തിയത്. വഴിയില്‍ നിന്നും കിട്ടിയ വാറ്റുചാരായമടിച്ചാണ് തങ്ങള്‍ പൂസായതെന്നാണ് ഇരുവരും പറയുന്നത്. ഉടന്‍ തന്നെ നാട്ടുകാരും ബന്ധുക്കളും ചേര്‍ന്ന് ഇരുവരേയും മാനന്തവാടി മെഡിക്കല്‍ കോളേജിലെത്തിച്ചു. ഛര്‍ദ്ദിച്ച് അവശരായ ഇരുവര്‍ക്കും ആശുപത്രിയില്‍ വെച്ച് ഡ്രിപ്പിടുകയും ട്യൂബിട്ട് വയറ് കഴുകുകയും ചെയ്തതായി നാട്ടുകാര്‍ പറഞ്ഞു. ഇരുവരും രാത്രിയിലും ചികിത്സയില്‍ തുടരുകയാണ്. സംഭവത്തെ കുറിച്ച് പോലീസ്, എക്‌സൈസ്, ട്രൈബല്‍ വകുപ്പുകള്‍ ഊര്‍ജ്ജിതമായ അന്വേഷണം ആരംഭിച്ചിട്ടുണ്ട്.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍