സ്‌ക്കൂള്‍ ബസ്സിന് പിന്നില്‍ സ്‌ക്കൂട്ടര്‍ ഇടിച്ച് യുവാവിന് പരുക്ക്
മാനന്തവാടി നൂര്‍ജഹാന്‍ ഫുട് വേര്‍ ജീവനക്കാരനും തലപ്പുഴ തിണ്ടുമ്മല്‍ ലത്തീഫിന്റെ മകനുമായ അഫീദ് (20) നാണ് പരുക്കേറ്റത്.തലപ്പുഴ എഞ്ചിനീയറിംഗ് കോളേജിന്റെ പരിസരത്തു വെച്ച് ഇന്ന് രാവിലെ ഒമ്പത് മണിയോടെ ആയിരുന്നു അപകടം. മാനന്തവാടി കണിയാരം ഭാഗത്തേക്ക് വരികയായിരുന്ന സ്‌ക്കൂള്‍ ബസിന്റെ പുറകിലേക്ക് അതേ ദിശയില്‍ പോകുകയായിരുന്ന സ്‌ക്കൂട്ടര്‍ ഇടിച്ചു കയറുകയായിരുന്നു. ഇടിയുടെ ആഘാതത്തില്‍ സ്‌ക്കൂട്ടര്‍ പകുതിയോളം ബസിന്റെ ബോഡി തകര്‍ത്ത് ഉള്ളിലേക്ക് കയറി.
അഫീദിന്റെ തലയ്ക്കും വയറിനുമാണ് പരുക്കേറ്റത്. ജില്ലാശുപത്രിയില്‍ പ്രവേശിപ്പിച്ച അഫീദിനെ സ്‌കാനിംഗിനും, എക്‌സ് റേയ്ക്കും വിധേയനാക്കിയിട്ടുണ്ട്. റിസല്‍ട്ടിന്റെ അടിസ്ഥാനത്തില്‍ റഫര്‍ ചെയ്യണമോ വേണ്ടയോയെന്നുള്ള കാര്യം പരിഗണിക്കുമെന്ന് ഡോക്ടര്‍മാര്‍ വ്യക്തമാക്കി.സ്‌ക്കൂട്ടറിന്റെ ഉടമയും സഹയാത്രികനുമായ മറ്റൊരു യുവാവ് പരുക്കേല്‍ക്കാതെ രക്ഷപ്പെടുകയായിരുന്നു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍