ജീപ്പും ബൈക്കും കൂട്ടിയിടിച്ച് യുവാവ് മരിച്ചു
മാനന്തവാടി: ജീപ്പും ബൈക്കും കൂട്ടിയിടിച്ച് യുവാവ് മരിച്ചു. തൃശ്ശിലേരി അണക്കെട്ടിന് സമീപം താമസിക്കുന്ന ചിറത്തലയ്ക്കല്‍ റെജിയുടെയും ജിജിയുടേയും മകന്‍ ജിതിന്‍ സി.ആര്‍ (26) ആണ് മരിച്ചത്. ഇന്നലെ രാത്രി എട്ടരയോടെ ഒണ്ടയങ്ങാടി 54 ല്‍ വെച്ചായിരുന്നു അപകടം. ബൈക്കിലുണ്ടായിരുന്ന ജിതിന്റെ ഭാര്യാ സഹോദരന്‍ ഒണ്ടയങ്ങാടി ചക്കാട്ടില്‍ ആദര്‍ശ് (22) ന് പരിക്കേറ്റു. ഇരുവരേയും മാനന്തവാടി മെഡിക്കല്‍ കോളേജില്‍ പ്രവേശിപ്പിച്ചുവെങ്കിലും സാരമായി പരിക്കേറ്റിരുന്ന ജിതിന്‍ മരിക്കുകയായിരുന്നു. ആദര്‍ശിനെ വിദഗ്ധ ചികിത്സാര്‍ത്ഥം പിന്നീട് മേപ്പാടി വിംസ് മെഡിക്കല്‍ കോളേജിലേക്ക് മാറ്റി. ആതിരയാണ് ജിതിന്റെ ഭാര്യ. ഇവര്‍ വിദേശത്ത് നഴ്‌സായി ജോലി ചെയ്ത് വരികയാണ്. മകന്‍: റയാന്‍. സഹോദരി: ജില്‍ന. സംസ്‌കാരം നാളെ(നവംബര്‍ 26) തൃശ്ശിലേരി സെന്റ് ജോര്‍ജ്ജ് പള്ളി സെമിത്തേരിയില്‍.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍