ട്രാവലറും ഗുഡ്സും കൂട്ടിയിടിച്ചു; ഗുഡ്സ് ഡ്രൈവര് മരിച്ചു
കുഴിനിലം: മാനന്തവാടി തലശ്ശേരി റോഡില് കുഴിനിലത്ത് വെച്ച് ട്രാവലറും ഗുഡ്സ് ഓട്ടോയും കൂട്ടിയിടിച്ചുണ്ടായ അപകടത്തില് ഗുഡ്സ് ഡ്രൈവര് മരിച്ചു. മീന് വില്പ്പനക്കാരനായ തലപ്പുഴ എട്ടാം നമ്പര് കുന്നത്തൊടിയില് കെ അന്വര് (35) ആണ് മരിച്ചത്. ഗുരുതര പരിക്കോടെ ഇദ്ധേഹത്തെ മാനന്തവാടിയിലെ മെഡിക്കല് കോളേജ് ആശുപത്രിയില് പ്രവേശിപ്പിച്ചുവെങ്കിലും മരിക്കുകയായിരുന്നു. മാനന്തവാടി മാര്ക്കറ്റില് നിന്നും മീനുമായി തലപ്പുഴ ഭാഗത്തേക്ക് പോകുകയായിരുന്ന ഗുഡ്സും കാസര്കോഡ് നീലേശ്വരത്ത് നിന്നും മാനന്തവാടി ഭാഗത്തേക്ക് വന്ന ബിവറേജ് ജീവനക്കാര് സഞ്ചരിച്ച ട്രാവലറുമാണ് അപകടത്തില്പ്പെട്ടത്. ട്രാവലറിലെ യാത്രക്കാരില് ചിലര്ക്ക് നിസാര പരിക്കേറ്റിട്ടുണ്ട്. ഇന്ന് പുലര്ച്ചെയാണ് സംഭവം. അപകടത്തില് ഗുഡ്സിന്റെ മുന്ഭാഗം പൂര്ണമായും തകര്ന്നിരുന്നു. അകത്ത് കുടുങ്ങിയ അന്വറിനെ ഏറെ ബുദ്ധിമുട്ടിയാണ് പുറത്തെടുത്തത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്