കാര്‍ നിയന്ത്രണം വിട്ടു മറിഞ്ഞ് ഒരാള്‍ മരിച്ചു;സഹയാത്രികര്‍ക്ക് പരിക്ക്
ചെന്നലോട്: ചെന്നലോട് കാര്‍ നിയന്ത്രണം വിട്ട് റോഡരികിലെ താഴ്ചയിലേക്ക് മറിഞ്ഞ് ഒരാള്‍ മരിച്ചു. മലപ്പുറം തിരൂരങ്ങാടി സ്വദേശി ഗുല്‍സാര്‍ (44) ആണ് മരിച്ചത്. ഇദ്ദേഹം കൊളപ്പുറം സ്‌കൂള്‍ അധ്യാപകനാണെന്നാണ് പ്രാഥമിക വിവരം. ഭാര്യ ജസീല, മക്കളായ നസില്‍ മുഹമ്മദ്, ലഹിന്‍, ലൈഫ എന്നിവരും സഹോദരിയുടെ മക്കളായ സില്‍ജ, സില്‍റ്റ തുടങ്ങിയവര്‍ക്ക് പരിക്കേറ്റിട്ടുണ്ട്.
ഇവരെ കല്‍പ്പറ്റ ഫാത്തിമ ആശുപത്രിയില്‍ പ്രവേശിപ്പിച്ചു. ഇവരില്‍ സാരമായ പരിക്കേറ്റ രണ്ട് കുട്ടികളെ വിദഗ്ധ ചികിത്സാര്‍ത്ഥം മേപ്പാടി മൂപ്പന്‍സ് മെഡിക്കല്‍ കോളേജിലേക്ക് മാറ്റി. ബാണാസുര സാഗര്‍ ഡാം സന്ദര്‍ശിച്ച ശേഷം കാരാപ്പുഴ പോകുന്നതിനിടെയായിരുന്നു അപകടം.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍