പിക്കപ്പ് ജീപ്പ് അപകടം: ചികിത്സയിലായിരുന്ന ഒരാള് കൂടി മരിച്ചു
മാനന്തവാടി: തൊഴിലാളികളുമായി സഞ്ചരിച്ച പിക്കപ്പ് ജീപ്പ് മറിഞ്ഞുണ്ടായ അപകടത്തില് പരിക്കേറ്റ ഒരാള് കൂടി മരിച്ചു. ഝാര്ഖണ്ഡ് മസ്ഗേഡി സ്വദേശി ദസ്തകിര് ആലം (27) ആണ് മരിച്ചത്. ഗുരുതര പരിക്കേറ്റതിനെ തുടര്ന്ന് കോഴിക്കോട് മെഡിക്കല് കോളേജില് ചികിത്സയിലിരിക്കെ കഴിഞ്ഞ ദിവസമായിരുന്നു മരണം. ഇതോടെ അപകടത്തില് മരിച്ചവരുടെ എണ്ണം രണ്ടായി. ആസാം സ്വദേശി ഷാ ജമാല് (26) അപകട ദിവസം തന്നെ മരിച്ചിരുന്നു. തിങ്കളാഴ്ച രാവിലെ തിരുനെല്ലി - അപ്പപ്പാറ - തോല്പ്പെട്ടി റോഡിലെ ചേകാടിയിലായിരുന്നു അപകടം. എട്ട് പേര്ക്ക് പരിക്കേറ്റതില് എല്ലാവരും നിലവില് ആശുപത്രി വിട്ടിട്ടുണ്ട്. തിരുനെല്ലി ഗ്രാമപ്പഞ്ചായത്തില് ജല്ജീവന് മിഷന്റെ ജോലിയെടുക്കുന്ന കരാര് തൊഴിലാളികള് സഞ്ചരിച്ച വാഹനമാണ് അപകടത്തില്പ്പെട്ടത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്
3x7hqa
oymd2v