പഠനയാത്ര സംഘം സഞ്ചരിച്ച ബസ് മറിഞ്ഞ് 2 വിദ്യാര്‍ത്ഥിനികള്‍ മരിച്ചു ;ഒരാള്‍ ബത്തേരി സ്വദേശിനി
കാഞ്ഞിരപ്പള്ളി അമല്‍ ജ്യോതി എഞ്ചിനീയറിംഗ് കോളേജിലെ വിദ്യാര്‍ത്ഥിനിയും, മാനന്തവാടി എസ്.എം.എസ് സ്റ്റേഷനിലെ പോലീസ് ഉദ്യോഗസ്ഥന്‍ ബത്തേരി കൊടുവട്ടി പുത്തന്‍കുന്ന് പാലിയത്ത് മോളേല്‍ പിടി ജോര്‍ജ്ജിന്റെ മകളുമായ ഐറിന്‍ മരിയ ജോര്‍ജ്ജ് (20) ആണ് മരിച്ച വയനാട് സ്വദേശിനി. അപകടത്തില്‍ കോട്ടയം മുണ്ടക്കയം സ്വദേശിനി മെറിനും മരണപ്പെട്ടു. ഇന്നലെ രാത്രി കര്‍ണ്ണാടക ചിക് മംഗളൂര്‍ മാഗഡി അണക്കെട്ടിന് സമീപം വെച്ചാണ് അപകടം സംഭവിച്ചത്. ബസില്‍ 35 പേരാണ് ഉണ്ടായിരുന്നത്. ആറു വണ്ടികളിലാണ് കോളേജില്‍നിന്നുള്ള വിദ്യാര്‍ഥികള്‍ വിനോദയാത്രയ്ക്ക് പോയത്. പരിക്കേറ്റവരെ ചിക്കമഗളൂരുവിലെ സര്‍ക്കാര്‍ ആശുപത്രിയിലും ഹാസനിലെ ആശുപത്രിയിലും പ്രവേശിപ്പിച്ചു.എതിരെ വന്ന ട്രാക്ടറിന് സൈഡ് കൊടുക്കുമ്പോഴായിരുന്നു അപകടമെന്ന് ദൃക്‌സാക്ഷികള്‍ പറഞ്ഞു. കനത്ത മഴയും ഉണ്ടായിരുന്നു. അണക്കെട്ടിന് സമീപത്തെ വെള്ളമില്ലാത്ത ഭാഗത്തേക്കാണ് ബസ് മറിഞ്ഞത്. ബസിനടിയില്‍പ്പെട്ടാണ് വിദ്യാര്‍ഥിനികള്‍ മരിച്ചത് എന്നാണ് പ്രാഥമിക നിഗമനം.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍