ബൈക്ക് അപകടത്തില്‍ പരുക്കേറ്റ് ചികിത്സയിലായിരുന്ന യുവാവ് മരിച്ചു
വാഴവറ്റ നീറാംമ്പുഴ ഷാജു-ബീന ദമ്പതികളുടെ മകന്‍ റൊണാള്‍ഡ് (റോണി-21) ആണ് മരിച്ചത്. കഴിഞ്ഞ വ്യാഴാഴ്ച വൈകുന്നേരമാണ് മൈസൂരില്‍വെച്ച് റോണി സഞ്ചരിച്ചിരുന്ന ബൈക്കും, ഓട്ടോറിക്ഷയും തമ്മില്‍ കൂട്ടിയിടിച്ച് അപകടമുണ്ടായത്. മൈസൂര്‍ സെന്റ് ഫിലോമിനാസ് കോളേജില്‍ ബിരുദം പൂര്‍ത്തിയാക്കിയ റൊണാള്‍ഡ് സര്‍ട്ടിഫിക്കറ്റ് വാങ്ങുന്നതിനായി പോയപ്പോഴായിരുന്നു അപകടം. തുടര്‍ന്ന് മൈസൂര്‍ കൊളമ്പേഷ്യ ആശുപത്രിയില്‍ ചികിത്സയിലായിരുന്ന റോണി ഇന്ന് രാവിലെ പതിനൊന്ന് മണിയോടെ മരിക്കുകയായിരുന്നു. അലീന, ഫെലിക്സ് എന്നിവരാണ് സഹോദരങ്ങള്‍. സംസ്‌കാരം നാളെ (ആഗസ്റ്റ് 09) രാവിലെ പതിനൊന്ന് മണിക്ക് വാഴവറ്റ സെന്റ് സെബാസ്റ്റ്യന്‍സ് പള്ളി സെമിത്തേരിയില്‍ നടക്കും.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍