പോപ്പുലര് ഫ്രണ്ട് ഹര്ത്താല്; കെഎസ്ആര്ടിസി സാധാരണപോലെ സര്വ്വീസ് നടത്തും
തിരുവനന്തപുരം: നാളെ (സെപ്തംബര് 23)പോപ്പുലര് ഫ്രണ്ട് ഓഫ് ഇന്ത്യ സംസ്ഥാനത്ത് ഹര്ത്താലിന് ആഹ്വാനം ചെയ്ത സാഹചര്യത്തില്, കെഎസ്ആര്ടിസി സാധാരണപോലെ സര്വ്വീസ് നടത്തും. എല്ലാ യൂണിറ്റ് അധികാരികള്ക്കും ഇതുമായി ബന്ധപ്പെട്ട കര്ശന നിര്ദ്ദേശം നല്കിയിട്ടുണ്ട്. ആശുപത്രികള്, എയര്പോര്ട്ടുകള്, റെയില്വെ സ്റ്റേഷനുകള് എന്നിവിടങ്ങളിലേക്ക് കെഎസ്ആര്ടി ആവശ്യാനുസരണം സര്വ്വീസ് നടത്തും. എന്തെങ്കിലും ക്രമസമാധാന പ്രശ്നം ഉണ്ടായാല് പൊലീസ് സഹായം തേടാനും, മുന്കൂട്ടി പോലീസ് സഹായം ആവശ്യമുണ്ടെങ്കില് അതിന് രേഖാമൂലം അപേക്ഷ നല്കുവാനും നിര്ദ്ദേശം നല്കിയിട്ടുണ്ട്.പോപ്പുലര് ഫ്രണ്ട് ഓഫ് ഇന്ത്യ ദേശീയ സംസ്ഥാന നേതാക്കളെ എന്ഐഎ അന്യായമായി അറസ്റ്റ് ചെയ്തത് ഭരണകൂട ഭീകരതയുടെ ഭാഗമാണെന്ന് സംസ്ഥാന കമ്മിറ്റി വിലയിരുത്തി. കേന്ദ്ര ഏജന്സികളെ ഉപയോഗിച്ച് എതിര്ശബ്ദങ്ങളെ നിശ്ശബ്ദമാക്കാനുള്ള ആര്എസ്എസ് നിയന്ത്രിത ഫാഷിസ്റ്റ് സര്ക്കാരിന്റെ ഭരണകൂട വേട്ടക്കെതിരെ നാളെ സംസ്ഥാനത്ത് ഹര്ത്താല് നടത്തുമെന്നാണ് അവര് അറിയിച്ചിരിക്കുന്നത്. രാവിലെ ആറു മുതല് വൈകീട്ട് ആറുവരെയാണ് ഹര്ത്താല്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്