പേരിയയില്‍ ട്രാവലര്‍ നിയന്ത്രണം വിട്ട് മറിഞ്ഞ് യാത്രികര്‍ക്ക് പരിക്ക്
പേരിയ: പേരിയ ചന്ദന തോടില്‍ ട്രാവലര്‍ നിയന്ത്രണം വിട്ട് മറിഞ്ഞ് യാത്രികര്‍ക്ക് പരിക്ക്. ബത്തേരി നായ്ക്കട്ടിയില്‍ നിന്നും കണ്ണൂരിലേക്ക് വിനോദയാത്ര പോകുകയായിരുന്ന ട്രാവലറാണ് അപകടത്തില്‍പ്പെട്ടത്. സ്ത്രീകളും കുട്ടികളുമടക്കം പതിനഞ്ചോളം പേരാണ് വാഹനത്തിലുണ്ടായിരുന്നത്. ഇന്ന് രാവിലെയാണ് സംഭവം. പരിക്കേറ്റവരെ പേരിയ പ്രാഥമികാരോഗ്യ കേന്ദ്രത്തിലും, മാനന്തവാടി മെഡിക്കല്‍ കോളേജിലും പ്രവേശിപ്പിച്ചു. ആരുടേയും നില ഗുരുതരമല്ലെന്നാണ് പ്രാഥമിക വിവരം. റോഡരികിലെ കല്ലുങ്കിന്റെ ഭിത്തിയില്‍ തട്ടി മറിഞ്ഞതാണെന്നാണ് നാട്ടുകാര്‍ പറയുന്നത്. ഇവിടെ മതിയായ സിഗ്‌നല്‍ ബോര്‍ഡുകളൊന്നും സ്ഥാപിക്കാത്തതാണ് അപകടത്തിനിടയാക്കിയതെന്നും നാട്ടുകാര്‍.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍