ടിപ്പര് ലോറി മറിഞ്ഞ് ഒരാള് മരിച്ചു
മേപ്പാടി: നിയന്ത്രണം വിട്ട ടിപ്പര് ലോറി മറിഞ്ഞ് ഒരാള് മരിച്ചു. പൊഴുതന പാറത്തോട് സേട്ടുക്കുന്ന് കുറ്റിപ്ലാക്കല് സാബു എന്ന സ്കറിയ (44) ആണ് മരിച്ചത്. മേപ്പാടിയിലെ തോട്ടത്തിലേക്ക് വളവുമായി ടിപ്പറില് പോയതായിരുന്നു സാബു. മഴ പെയ്തതിനെ തുടര്ന്ന് ചെളിയായ റോഡില് നിയന്ത്രണം നഷ്ടപ്പെട്ട ടിപ്പര് നിരങ്ങി നീങ്ങിയപ്പോള് സാബു ടിപ്പറില് നിന്നും ചാടിയിറങ്ങിയെന്നും ഉടന് ടിപ്പര് ദേഹത്തേക്ക് മറിഞ്ഞാണ് അപകടം സംഭവിച്ചതെന്നുമാണ് നിഗമനമെന്ന് ബന്ധുക്കള് വ്യക്തമാക്കി. ഇന്നലെ രാത്രിയിലാണ് സംഭവം. സംസ്കാരം ഇന്ന് വൈകുന്നേരം 5 മണിക്ക് തരിയോട് സെന്റ് മേരീസ് പള്ളി സെമിത്തേരിയില് നടക്കും. ഭാര്യ: സിമി, മക്കള്: ദീപു, ദീപക്, ദില്ന. വാഹനത്തിന്റെ ഡ്രൈവര് ജസീല് പരിക്കേറ്റ് ചികിത്സയിലാണ്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്