കൊവിഡ് ബാധിതര്ക്ക് ചികിത്സ നിഷേധിച്ചാല് കര്ശന നടപടി: മുഖ്യമന്ത്രി പിണറായി വിജയന്
തിരുവനന്തപുരം: കൊവിഡ് ബാധിതര്ക്ക് ചികിത്സ നിഷേധിച്ചാല് കര്ശന നടപടിയെടുക്കാന് മുഖ്യമന്ത്രിയുടെ നിര്ദേശം. സംസ്ഥാനത്തെ എല്ലാ സര്ക്കാര് സ്വകാര്യ ആശുപത്രികള്ക്കും ബാധകമാണെന്ന് കൊവിഡ് അവലോകന യോഗത്തില് മുഖ്യമന്ത്രി പിണറായി വിജയന് പറഞ്ഞു. ആശുപത്രികളിലും, ഐസിയുവിലും പ്രവേശിപ്പിക്കുന്നവരുടെ സ്ഥിതിഗതികള് ഇപ്പോള് നിയന്ത്രണത്തിലാണ്. സംസ്ഥാനത്ത് കൊവിഡ് വ്യാപനത്തില് നേരിയ കുറവ് അനുഭവപ്പെട്ടിട്ടുണ്ടെന്നും മുഖ്യമന്ത്രി കൂട്ടിച്ചേര്ത്തു.
സംസ്ഥാനത്തെ രണ്ടാം ഡോസ് വാക്സിനേഷന് 84 ശതമാനവും കുട്ടികളുടെ വാക്സിനേഷന് 71 ശതമാനവും പൂര്ത്തീകരിച്ചു. വാക്സിനേഷന് ത്വരിതപ്പെടുത്താന് ആരോഗ്യ വകുപ്പിനോട് മുഖ്യമന്ത്രി നിര്ദേശിച്ചു. മാത്രമല്ല കൊവിഡ് നഷ്ടപരിഹാരത്തിനായി ലഭിച്ച 45,000 അപേക്ഷകളില് 40,410 പേര്ക്ക് ധനസഹായം നല്കി. കൂടാതെ 11 ലക്ഷത്തോളം പേര് നിലവില് തദ്ദേശ സ്വയംഭരണ പ്രദേശങ്ങളില് കൊവിഡ് നിയന്ത്രണ പ്രവര്ത്തനങ്ങളില് സജീവമാണ്. ആശുപത്രിയിലും, ഐസിയുവിലും പ്രവേശിപ്പിക്കുന്നവരുടെ കണക്കുകള് പരിശോധിച്ച് ആവശ്യമായ നടപടികള് സ്വീകരിക്കാന് മുഖ്യമന്ത്രി നിര്ദേശം നല്കി.
ഇതിനിടെ സംസ്ഥാനത്ത് ഞായറാഴ്ചയിലെ ലോക്ഡൗണ് സമാന നിയന്ത്രണം തുടരാന് തീരുമാനമായി. ഇന്ന് ചേര്ന്ന കൊവിഡ് അവലേകന യോ?ഗത്തിലാണ് തീരുമാനം. ജില്ലകളിലെ നിയന്ത്രണത്തിലും മാറ്റമലില്ല.എത്ര ഞായറാഴ്ചയിലേക്കാണ് ഈ നിയന്ത്രണം തുടരുക എന്ന കാര്യത്തില് തീരുമാനമായിട്ടില്ല. അടുത്ത അവലോകന യോഗത്തിന് ശേഷം മാത്രമേ ഇനിയും നിയന്ത്രണങ്ങള് തുടരുമോ എന്ന കാര്യത്തില് തീരുമാനമുണ്ടാകുകയുള്ളു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്