വിവാഹപ്രായ ബില് ലോക്സഭയില് അവതരിപ്പിച്ചു; പ്രതിഷേധവുമായി പ്രതിപക്ഷം
പെണ്കുട്ടികളുടെ വിവാഹപ്രായം ഉയര്ത്തുന്ന ബില് സഭയില് അവതരിപ്പിച്ചു. കടുത്ത പ്രതിപക്ഷ പ്രതിഷേധത്തിനിടെ കേന്ദ്ര വനിതാ ശിശുക്ഷേമ മന്ത്രി സ്മൃതി ഇറാനിയാണ് ബില്ല് ലോക്സഭയില് അവതരിപ്പിച്ചത്. വിവാഹപ്രായം ഇരുപത്തിയൊന്നിലേക്ക് ഉയര്ത്തുന്ന നിയമം എല്ലാ സമുദായങ്ങള്ക്കും ബാധകമായിരിക്കും. വിവാഹ പ്രായം ഉയര്ത്തുമ്പോള് രാജ്യത്തെ ഏഴ് വിവാഹ നിയമങ്ങളില് ഭേദഗതി വരും.സഭയില് ബില് കീറി എറിഞ്ഞാണ് പ്രതിപക്ഷം പ്രതിഷേധിച്ചത്. ബില്ലിന് പിന്നില് ഗൂഡലക്ഷ്യങ്ങള് ഉണ്ടെന്നും പ്രതിപക്ഷം ആരോപിച്ചു. ബില്ല് സ്റ്റാന്റിംഗ് കമ്മറ്റിക്ക് വിടണമെന്നും ആവശ്യപ്പെട്ടു. പ്രതിപക്ഷ പ്രതിഷേധം ശക്തമായതിനെ തുടര്ന്ന് ബില് സ്റ്റാന്റിംഗ് കമ്മറ്റിക്ക് ചര്ച്ചയ്ക്കായി വിട്ടു.
ഹിന്ദു, ക്രിസ്ത്യന്, പാഴ്സി വിവാഹനിയമങ്ങള് മാറും. മുസ്ലിം ശരിഅത്ത് വ്യവസ്ഥയ്ക്കും മുകളിലാകും നിയമം. ബാലവിവാഹ നിരോധന നിയമത്തില് ഇത് എഴുതിച്ചേര്ക്കും. ക്രിസ്ത്യന് വിവാഹ നിയമം, പാഴ്സി വിവാഹ നിയമം, ഹിന്ദു വിവാഹ നിയമം, സ്പെഷ്യല് മാരേജ് ആക്ട്, ഹിന്ദു മൈനോരിറ്റി ആന്ഡ് ഗാര്ഡിയന് ഷിപ്പ് ആക്ട് – 1956, ഫോറിന് മാരേജ് ആക്ട്, ബാല വിവാഹ നിരോധന നിയമം അടക്കം 7 നിയമങ്ങളാണ് മാറ്റേണ്ടിവരിക.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്