ബൈക്ക് താഴ്ചയിലേക്ക് മറിഞ്ഞ് യുവാവിന് പരുക്ക്
തവിഞ്ഞാല്: തവിഞ്ഞാല് പേരിയ പീക്കിന് സമീപം പുലര്ച്ചെ 5 മണിയോടെ ബൈക്ക് റോഡരികിലെ താഴ്ചയിലേക്ക് ഇടിച്ചിറങ്ങി യുവാവിന് പരുക്ക്. കണ്ണൂര് പയ്യന്നൂര് സ്വദേശി ഷിബിന് ( 21 ) നാണ് പരുക്കേറ്റത്. സുഹൃത്തുക്കളോടൊപ്പം മാനന്തവാടി ഭാഗത്തേക്ക് വരുന്നതിനിടെയാണ് അപകടം. റോഡില് നിന്നും തെന്നി നീങ്ങിയ ബൈക്ക് 60 അടിയോളം താഴ്ചയിലേക്ക് പോകുകയായിരുന്നു. പരിക്കേറ്റ ഷിബിനെ ജില്ലാശുപത്രിയില് പ്രവേശിപ്പിച്ചു.കൊടുംവളവും, ഇറക്കവുമായ പ്രസ്തുത റോഡില് അപകടസൂചന മുന്നറിയിപ്പ് ബോര്ഡുകള് സ്ഥാപിക്കാത്തതും, റോഡരികില് സുരക്ഷാ ലൈനുകള് വരക്കാത്തതുമാണ് അപകട കാരണമെന്ന് നാട്ടുകാര് പറഞ്ഞു. ഇടക്കിടെ അപകടങ്ങള് പതിവായിട്ടും സുരക്ഷാ മുന്നറിയിപ്പുകള് സ്ഥാപിക്കാത്ത അധികൃതരുടെ നിസംഗതക്കെതിരെ നാട്ടുകാരില് പ്രതിഷേധം വ്യാപകമാണ്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്