വയനാട് ചുരത്തില്‍ വാഹനാപകടം; ഗതാഗതം തടസ്സപ്പെട്ടു
കല്‍പ്പറ്റ: വയനാട് ചുരത്തില്‍ രണ്ടാം വളവില്‍ ടാങ്കര്‍ ലോറിയും, പിക്കപ്പ് ജീപ്പും കൂട്ടിയിടിച്ചുണ്ടായ അപകടത്തെ തുടര്‍ന്ന് ഏറെ നേരം ഗതാഗതം തടസ്സപ്പെട്ടു. ഇന്നുച്ചയോടെയാണ് സംഭവം. വയനാട്ടിലേക്ക് വരികയായിരുന്ന പെട്രോള്‍ ടാങ്കറും, കോഴിക്കോട് ഭാഗത്തേക്ക് പോകുകയായിരുന്ന പിക്കപ്പുമാണ് കൂട്ടിയിടിച്ചത്. പിക്കപ്പ് റോഡില്‍ മറിഞ്ഞതു കാരണം ഗതാഗതം തടസ്സപ്പെടുകയായിരുന്നു. അപകടത്തില്‍ ആര്‍ക്കും പരിക്കില്ല. തുടര്‍ന്ന് ചുരം സംരക്ഷണ സമിതി പ്രവര്‍ത്തകരും, ഹൈവേ പോലീസും, താമരശ്ശേരി പോലീസും സംയുക്തമായി വാഹന ഗതാഗതം നിയന്ത്രിക്കുകയും, ക്രെയിന്‍ എത്തിച്ച് വാഹനം മാറ്റി ഗതാഗതം പുന:സ്ഥാപിക്കുകയും ചെയ്തു.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍