കാറും ടിപ്പറും കൂട്ടിയിടിച്ച് പരുക്കേറ്റ് ചികിത്സയിലായിരുന്ന വിദ്യാര്‍ത്ഥി മരിച്ചു
ബത്തേരി:ഇന്നലെ ബത്തേരി മാനിക്കുനിയില്‍ കാറും ടിപ്പറും കൂട്ടിയിടിച്ചുണ്ടായ അപകടത്തില്‍ പരിക്കേറ്റ് ചികിത്സയിലായിരുന്ന വിദ്യാര്‍ഥി മരിച്ചു. ബീനാച്ചി എക്‌സ് സര്‍വീസ്‌മെന്‍ കോളനിയിലെ കാഞ്ഞിരംകോട് പ്രദീപ് ബിന്ദു ദമ്പതികളുടെ മകന്‍ അമല്‍(12) ആണ് മരിച്ചത്. എരുമാട് നിന്നും ബന്ധുക്കള്‍ക്കൊപ്പം കാറില്‍ വീട്ടിലേക്ക് വരുന്നതിനിടെയാണ് ഇന്നലെ വൈകുന്നേരം അപകടം സംഭവിച്ചത്. ഗുരുതരമായി പരിക്കേറ്റ അമല്‍ കോഴിക്കോട്ടെ സ്വകാര്യ ആശുപത്രിയില്‍ ചികിത്സയിലിരിക്കെയാണ് മരിച്ചത്. പ്രദീപിന്റെ അമ്മാവന്‍ കൊളഗപ്പാറ കാഞ്ഞിരംകോട് ശ്രീധരന്‍ (57), ശ്രീധരന്റെ ഭാര്യ ഇന്ദിര (50), സഹോദരി കാര്‍ത്യായനി (62) എന്നിവര്‍ പരുക്കേറ്റ് ചികിത്സയിലാണ്. ബീനാച്ചി ഗവ.ഹൈസ്‌കൂളിലെ ആറാം ക്ലാസ് വിദ്യാര്‍ത്ഥിയായിരുന്നു അമല്‍.സംസ്‌കാരം നാളെ(മെയ് 31) ഉച്ചയ്ക്ക് ഒരു മണിക്ക് വീട്ടുവളപ്പില്‍ നടക്കും.
കമന്റ് ബോക്‌സില്‍ വരുന്ന അഭിപ്രായങ്ങള്‍ ഓപ്പൺന്യൂസറിന്റെത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍