ബൈക്ക് യാത്രികനെ കാട്ടുപന്നി ആക്രമിച്ചു ;ആക്രമണത്തിനിരയായത് സ്വകാര്യ ബസ് ജീവനക്കാരന്
പടമല:പാല്വെളിച്ചം മാനന്തവാടി റൂട്ടില് സര്വ്വീസ് നടത്തുന്ന സ്വകാര്യ ബസിലെ ജീവനക്കാരനായ താഴെഅമ്പത്തിനാല് കാരക്കടയില് സിജോ ജോസ് (34) നെയാണ് കാട്ടുപന്നി ആക്രമിച്ചത്. ഇന്ന് രാവിലെ ജോലിക്ക് കയറാനായി ബൈക്കില് പോകുന്ന വഴി കാട്ടുപന്നി ബൈക്കിലേക്ക് ചാടി വീഴുകയായിരുന്നു. പടമല പള്ളിക്ക് സമീപം വെച്ചാണ് സംഭവം. തുടര്ന്ന് നിലത്തു വീണ സിജോയെ പന്നി രണ്ടാമതും ആക്രമിക്കുകയായിരുന്നു. പിന്നാലെ വന്ന ലോറി ഡ്രൈവര് ഹോണടിച്ചതിനെ തുടര്ന്നാണ് പന്നി പിന്മാറി കാട്ടിലേക്ക് ഓടിമറഞ്ഞതെന്ന് ദൃക്സാക്ഷികള് പറഞ്ഞു.പരുക്കേറ്റ സിജോയെ ജില്ലാശുപത്രിയില് പ്രവേശിപ്പിച്ചു. മുഖത്തും കൈകാലുകള്ക്കുമാണ് പരുക്ക്. പരുക്കുകള് ഒന്നും ഗുരുതരമല്ലെന്നാണ് പ്രാഥമിക റിപ്പോര്ട്ട്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്