മാനന്തവാടി ബ്ലോക്ക് പഞ്ചായത്ത് ഉപതെരഞ്ഞെടുപ്പ്: പള്ളിക്കല് ഡിവിഷനില് എല്ഡിഎഫ് സ്ഥാനാര്ത്ഥിയായി രമ്യ ജി. ജനവിധി തേടുന്നു
മാനന്തവാടി: മാനന്തവാടി ബ്ലോക്ക് പഞ്ചായത്ത് പള്ളിക്കല് ഡിവിഷന് ഉപതെരഞ്ഞെടുപ്പില് ഇടതുപക്ഷ ജനാധിപത്യ മുന്നണി (എല്ഡിഎഫ്) സ്ഥാനാര്ത്ഥിയായി രമ്യ ജി. മത്സരിക്കും. നിലവിലുണ്ടായിരുന്ന ബ്ലോക്ക് പഞ്ചായത്ത് മെമ്പര് ഉഷാ വിജയന് നിയമസഭയിലേക്ക് തെരഞ്ഞെടുക്കപ്പെട്ടതിനെത്തുടര്ന്നാണ് ഇവിടെ ഉപതെരഞ്ഞെടുപ്പ് ആവശ്യമായി വന്നത്.പ്ലസ് ടു വിദ്യാഭ്യാസ യോഗ്യതയുള്ള രമ്യ, യുവത്വത്തിന്റെ ഊര്ജ്ജസ്വലതയും സാമൂഹ്യപ്രവര്ത്തന രംഗത്തെ മികച്ച അനുഭവസമ്പത്തും കോര്ത്തിണക്കിയാണ് പോരാട്ടത്തിനിറങ്ങുന്നത്. ആദിവാസിമഹിളായുവജന പ്രസ്ഥാനങ്ങളിലും പ്രമോട്ടര് എന്ന നിലയിലും ശ്രദ്ധേയമായ പ്രവര്ത്തനങ്ങള് കാഴ്ചവെച്ചതായി സംഘടന വ്യക്തമാക്കി.പാര്ട്ടി ഞാറലോട് ബ്രാഞ്ച് അംഗം, എ.കെ.എസ് ഏരിയാ കമ്മിറ്റി അംഗം, ജനാധിപത്യ മഹിളാ ഏരിയാ കമ്മിറ്റി അംഗം, സി.ഡി.എസ് എക്സിക്യൂട്ടീവ് അംഗം, സാംസ്കാരിക പ്രവര്ത്തക എന്നീ നിലകളിലെല്ലാം പൊതുരംഗത്ത് സജീവ സാന്നിധ്യമാണ് രമ്യ.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്