ഓപ്പറേഷന് തണ്ടര്: സ്പാ സെന്ററുകള് കേന്ദ്രീകരിച്ച് എംഡിഎംഎ വില്പ്പന: യുവാവ് അറസ്റ്റില്
തളിപ്പുഴ: ഓപ്പറേഷന് തണ്ടറിന്റേയും ഓണം സ്പെഷ്യല് എന്ഫോഴ്സ്മെന്റ് ഡ്രൈവിന്റെയും ഭാഗമായി കല്പ്പറ്റ എക്സൈസ് റെയിഞ്ച് ഇന്സ്പെക്ടര് ജി. ജിഷ്ണുവും സംഘവും വൈത്തിരി തളിപ്പുഴ ഭാഗത്ത് നടത്തിയ റെയിഡില് മാരക മയക്കുമരുന്നായ എംഡിഎംഎ യുമായി യുവാവിനെ അറസ്റ്റ് ചെയ്തു.
താമരശ്ശേരി രാരോത്ത് കാരാടി സ്വദേശി വിളയാറച്ചാലില് വീട്ടില് സായൂജ്.വി.സി (36) എന്നയാളെയാണ് 2.229 ഗ്രാം എംഡിഎംഎ യുമായി എക്സൈസ് സംഘം പിടികൂടിയത്. ഇയാളില് നിന്നും മയക്കുമരുന്ന് വില്പ്പനക്കായി ഉപയോഗിച്ച മൊബൈല് ഫോണും, ലഹരി വില്പ്പനയിലൂടെ ലഭിച്ച പതിനായിരം രൂപയും പിടിച്ചെടുത്തു.പരിശോധനയില് അസിസ്റ്റന്റ് എക്സൈസ് ഇന്സ്പെക്ടര് (ഗ്രേഡ്) അനില്കുമാര്.ജി, സിവില് എക്സൈസ് ഓഫീസര്മാരായ മുഹമ്മദ് മുസ്തഫ.ടി, പ്രജീഷ്.എം.വി, വനിതാ സിവില് എക്സൈസ് ഓഫീസര് ജിജി. എസ്.എസ് എന്നിവര് പങ്കെടുത്തു.മയക്കുമരുന്ന് വില്പ്പന സംഘത്തിലെ മറ്റു കണ്ണികളെ കുറിച്ചുള്ള അന്വേഷണം പുരോഗമിച്ചു വരുന്നതായി എക്സൈസ് അറിയിച്ചു.കോടതിയില് ഹാജറാക്കിയ പ്രതിയെ വൈത്തിരി സബ് ജയിലില് റിമാന്റ് ചെയ്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്