മാനന്തവാടി: ഓണാഘോഷത്തിന് മാറ്റുകൂട്ടാന്‍ കുടുംബശ്രീയുടെ വയനാട് ജില്ലാതല ഓണം വിപണന മേള ഓഗസ്റ്റ് 21 മുതല്‍ മാനന്തവാടി മൈസൂര്‍ റോഡില്‍ ആരംഭിക്കും. കുടുംബശ്രീ സംരംഭകരുടെ വിഷരഹിത പച്ചക്കറികള്‍, നാടന്‍ ഉല്‍പ്പന്നങ്ങള്‍, പലഹാരങ്ങള്‍, വസ്ത്രങ്ങള്‍ തുടങ്ങിയവ മേളയില്‍ നേരിട്ട് ലഭ്യമാകും. നിത്യോപയോഗ സാധനങ്ങള്‍ ഉള്‍പ്പെടുത്തി പ്രത്യേക ഓണക്കിറ്റുകളും കുടുംബശ്രീ വിപണിയിലില്‍ എത്തിക്കുന്നുണ്ട്. പ്രധാന ഓണ വിഭവങ്ങള്‍ അടങ്ങിയതാണ് കിറ്റ്. 500 രൂപ മുതല്‍ 750 രൂപ വരെയുള്ള കിറ്റുകള്‍ സി.ഡി.എസുകള്‍ വഴിയാണ് വിതരണം ചെയ്യുന്നത്. അഗതികളായ വനിതകള്‍ക്ക് സൗജന്യമായി കിറ്റ് നല്‍കും. പോക്കറ്റ് മാര്‍ട്ട് വഴിയും ഓണ്‍ലൈനായും ഉത്പന്നങ്ങള്‍ ലഭ്യമാണ്. കൂടാതെ ജില്ലയിലെ എല്ലാ സി.ഡി.എസുകളിലും ഓണം വിപണന മേളകള്‍ സംഘടിപ്പിക്കും. ഗ്രാമീണ മേഖലയിലുള്ളവര്‍ക്ക് തൊട്ടടുത്തുള്ള മേളകളില്‍ നിന്ന് ഓണവിപണി പ്രയോജനപ്പെടുത്താം.

വാഴയില മുതല്‍ രണ്ടുകൂട്ടം പായസംവരെ ഇരുപതിലേറെ വിഭവങ്ങളുമായാണ് കുടുംബശ്രീയുടെ ഓണസദ്യ. വിഭവങ്ങളുടെയും പായസങ്ങളുടേയും എണ്ണമനുസരിച്ചാണ് സദ്യയുടെ വില. 17 കൂട്ടം വിഭവങ്ങളുള്ള സദ്യക്ക് 210 രൂപയും 21 കൂട്ടത്തിന് 250 രൂപയുമാണ്. കുറഞ്ഞത് അഞ്ച് സദ്യയെങ്കിലും ഒരു ഓര്‍ഡറില്‍ വേണം. ഓഗസ്റ്റ് 17 മുതല്‍  24 വരെ ഓണസദ്യ വിതരണം നടത്തും. രാവിലെ 10 മണിമുതല്‍ ഉച്ചിക്ക് രണ്ട് വരെയാണ് ഓര്‍ഡര്‍ സ്വീകരിക്കുന്നത്. മുന്‍കൂട്ടി നല്‍കുന്ന ഓര്‍ഡറുകള്‍ വീടുകളില്‍ എത്തിക്കും. ജില്ലയിലെ തിരഞ്ഞെടുക്കപ്പെട്ട കുടുംബശ്രീ യൂണിറ്റുകള്‍ക്ക് സദ്യ തയ്യാറാക്കുന്നതിനും വിതരണം ചെയ്യുന്നതിനും പരിശീലനം നല്‍കിയിരുന്നു. ഓര്‍ഡര്‍ ചെയ്യാന്‍ കല്‍പ്പറ്റ ബ്ലോക്ക് : 9562077061,9809006757,9961166765. മാനന്തവാടി: 9562662595, 9747704301, 8113875432, ബത്തേരി: 9961652831,9645808753,9744805222, പനമരം: 7558033870, 7306800364, 9544028211, 04936206589