വയനാട് ഗവ. മെഡിക്കല് കോളേജിന് ആശ്വാസം: ഈ വര്ഷവും 50 എം.ബി.ബി.എസ് സീറ്റുകള്ക്ക് അനുമതി
മാനന്തവാടി: വയനാട് ഗവണ്മെന്റ് മെഡിക്കല് കോളേജില് ഈ അക്കാദമിക് വര്ഷവും 50 വിദ്യാര്ഥികള്ക്ക് എം.ബി.ബി.എസ് പ്രവേശനം നല്കാന് ദേശീയ മെഡിക്കല് കമ്മിഷന് (എന്.എം.സി.) അനുമതി നല്കി. വയനാടിനൊപ്പം കാസര്കോട് ഗവ. മെഡിക്കല് കോളേജിലും 50 സീറ്റുകളിലേക്ക് പ്രവേശനാനുമതി ലഭിച്ചിട്ടുണ്ട്.കഴിഞ്ഞ വര്ഷമാണ് വയനാട് മെഡിക്കല് കോളേജില് ആദ്യമായി എം.ബി.ബി.എസ് വിദ്യാര്ഥികളുടെ പ്രവേശനം ആരംഭിച്ചത്. പുതിയ ബാച്ച് കൂടി എത്തുന്നതോടെ കോളേജിലെ ആകെ മെഡിക്കല് വിദ്യാര്ഥികളുടെ എണ്ണം 100 ആയി ഉയരും. മലയോര ജില്ലയായ വയനാടിന്റെ ആരോഗ്യ സൗകര്യങ്ങള്ക്കും ഉന്നത വിദ്യാഭ്യാസ മേഖലയ്ക്കും വലിയ പ്രതീക്ഷ നല്കുന്നതാണ് എന്.എം.സി.യുടെ ഈ തീരുമാനം.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്