വയനാട് ജില്ലയില് 10 ദുരിതാശ്വാസ ക്യാമ്പുകളില് കഴിയുന്നത് 112 കുടുംബങ്ങള്
വയനാട് ജില്ലയില് മഴക്കെടുതിയെ തുടര്ന്ന് ആരംഭിച്ച 10 ദുരിതാശ്വാസ ക്യാമ്പുകളിലായി 112 കുടുംബങ്ങളിലെ 408 പേരാണുള്ളത്. ഇതില് 143 പുരുഷന്മാരും 152 സ്ത്രീകളും 113 കുട്ടികളുമുണ്ട്. വൈത്തിരി താലൂക്കില് നാലും മാനന്തവാടിയില് അഞ്ചും സുല്ത്താന് ബത്തേരി താലൂക്കില് ഒരു ക്യാമ്പുമാണ് നിലവില് പ്രവര്ത്തിക്കുന്നത്.
വൈത്തിരി താലൂക്കിലെ ഇടിയംവയല് കമ്മ്യൂണിറ്റി ഹാള്, മേപ്പാടി ജയ്ഹിന്ദ് അങ്കണവാടി, തെക്കുംതറ എ.യു.പി സ്കൂള്, വെണ്ണിയോട് എസ്.എ എല്.പി സ്കൂള് എന്നിവിടങ്ങളിലാണ് ക്യാമ്പുകള് പ്രവര്ത്തിക്കുന്നത്. മാനന്തവാടി താലൂക്കില് പുളിഞ്ഞാല് ഗവ ഹൈസ്കൂള്, മക്കിയാട് ഹോളി ഫെയ്സ് സ്കൂള്, കൈതകൊല്ലി ഗവ എല്.പി സ്കൂള്, കുഞ്ഞോം എ.യു.പി സ്കൂള്, വള്ളിയൂര്ക്കാവ് എന്.എം.യു.പി.എസ് എന്നിവിടങ്ങളിലാണ് ക്യാമ്പുള്ളത്. സുല്ത്താന് ബത്തേരി താലൂക്കില് ശ്രേയസിലാണ് ക്യാമ്പ് പ്രവര്ത്തിക്കുന്നത്.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്