പൊരുന്നന്നൂര് പ്രാഥമികാരോഗ്യ കേന്ദ്രത്തില് സായാഹ്ന ഒ.പി പുനഃരാരംഭിക്കണം:വ്യാപാരി വ്യവസായി സമിതി
ദ്വാരക: പിച്ചങ്കോടിലെ പൊരുന്നന്നൂര് പ്രാഥമികാരോഗ്യ കേന്ദ്രത്തില് സായാഹ്ന ഒ.പി പുനഃരാരംഭിക്കണമെന്ന് കേരള സംസ്ഥാന വ്യാപാരി വ്യവസായി സമിതി ദ്വാരക യൂണിറ്റ് സമ്മേളനം പ്രമേയത്തിലൂടെ ആവശ്യപ്പെട്ടു. യോഗത്തില് മാണിതലച്ചിറ സ്വാഗതമാശംസിച്ചു. കെ കരീം അധ്യക്ഷത വഹിച്ചു. സമ്മേളനം വ്യാപാരി വ്യവസായി സമിതി ജില്ലാ പ്രസിഡന്റ് എം എസ് വിശ്വനാഥന് ഉദ്ഘാടനം ചെയ്തു. ഇ.കെ മധു അനുശോചന പ്രമേയം അവതരിപ്പിച്ചു. മാണി തലച്ചിറ റിപ്പോര്ട്ട് അവതരിപ്പിച്ചു. ജീവകാരുണ്യ പ്രവര്ത്തനത്തിന്റെ ഭാഗമായി എടവക ദയാ പെയിന് ആന്ഡ് പാലിയേറ്റീവ് സൊസൈറ്റിക്ക് വേണ്ടിയുള്ള വീല്ചെയറുകളും വാക്കറുകളും സൊസൈറ്റി ഭാരവാഹികള്ക്ക് കൈമാറി. ദ്വാരകയിലെ മുതിര്ന്ന വ്യാപാരി എം മുഹമ്മദ് സമൂഹത്തിന് മാതൃകയായ പൊതുപ്രവര്ത്തകന് ഷാജന് ജോസ്, പി.സന്തോഷ് എന്നിവരെ ആദരിച്ചു.
എസ്എസ്എല്സി പ്ലസ് ടു ഉന്നത വിജയം നേടിയ വ്യാപാരികളുടെ മക്കളെ മൊമെന്റോ നല്കി ആദരിച്ചു. ഏരിയ സെക്രട്ടറി പി സന്തോഷ്, ടി എം ഉമ്മര്, ടി പ്രകാശന്, സിസിലി എന്നിവര് സംസാരിച്ചു.ദയാ പെയിന് ആന്ഡ് പാലിയേറ്റീവ് സൊസൈറ്റി സെക്രട്ടറി ഫ്രാന്സിസ് മാഷ് സംസാരിച്ചു. ഫൈസല് നന്ദി പറഞ്ഞു പുതിയ യൂണിറ്റ് ഭാരവാഹികളായി സെക്രട്ടറി മാണി തലച്ചിറ, പ്രസിഡന്റ് കെ കരീമിനെയും, ട്രഷറര് ബിനുവിനെയും തെരഞ്ഞെടുത്തു.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്