വിടവാങ്ങിയത് പണ്ഡിത ലോകത്തെ അതുല്യ പ്രതിഭ: എസ്.വൈ.എസ്
കല്പ്പറ്റ: കഴിഞ്ഞ ദിവസം വിടവാങ്ങിയ സമസ്ത ജനറല് സെക്രട്ടറി ശൈഖുല് ജാമിഅ പ്രഫസര് കെ. ആലിക്കുട്ടി മുസ്ലിയാര് പണ്ഡിത ലോകത്തിലെ പകരക്കാരനില്ലാത്ത അതുല്യ പ്രതിഭയായിരുന്നുവെന്ന് എസ്.വൈ.എസ് വയനാട് ജില്ലാ കമ്മിറ്റി അനുശോചന സന്ദേശത്തില് പറഞ്ഞു.
അറിവ് സമ്പാദിക്കുന്നതിലും അത് പകര്ന്നു നല്കുന്നതിലും മാതൃകാപരമായ സമീപനങ്ങളാണ് ഉസ്താദിന്റെ ജീവിതത്തിലൂടെ ഉണ്ടായത്.
പാരമ്പര്യ കിതാബുകളില് അവഗാഹം നേടുന്നതോടൊപ്പം വിവിധ ഭാഷകള് സ്വയത്തമാക്കി ആഗോള വേദികളില് ശ്രദ്ധ നേടിയ പണ്ഡിത പ്രതിഭയായി ഉയര്ന്നു. അറിവിനെ അഴകാക്കിമാറ്റുകയും വിനയത്തെ ജീവിത മുദ്രയാക്കുകയും ചെയ്ത മഹാപണ്ഡിതനായിരുന്നു അദ്ദേഹമെന്നും എസ്.വൈ.എസ്
സന്ദേശത്തില് പറഞ്ഞു.
നേതൃ പാടവത്തിന്റെ പാരമ്പര്യത്തിലും പൈതൃകത്തിലും അനുയായികളില് വലിയ സ്വാധീനം നേടാനും കഴിഞ്ഞു.
നിലവിലെ സമസ്ത പണ്ഡിത സഭയിലെ ഏറ്റവും മുതിര്ന്ന പണ്ഡിതന് കൂടിയായ ഉസ്താദിന്റെ വിടവ് എക്കാലവും ഒഴിഞ്ഞു കിടക്കുമെന്നും അനുശോചന കുറിപ്പില് ജില്ലാ പ്രസിഡണ്ട് ഇബ്രാഹിം ഫൈസി പേരാല്,വര്ക്കിംഗ് പ്രസിഡണ്ട് കെ മുഹമ്മദ് കുട്ടി ഹസനി, ജനറല് സെക്രട്ടറി കെ എ നാസര് മൗലവി, ട്രഷറര് കെ സി കെ തങ്ങള് എന്നിവര് അറിയിച്ചു
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്