വായന പക്ഷാചരണം; ബഷീര് അനുസ്മരണം നടത്തി
മാനന്തവാടി: മാനന്തവാടി പഴശ്ശിരാജ സ്മാരക ഗ്രന്ഥാലവും ഡബ്ല്യുഎംഒ ഐജി ആര്ട്സ് ആന്റ് സയന്സ് കോളേജും സംയുക്തമായി ബഷീര് അനുസ്മരണ പരിപാടി സംഘടിപ്പിച്ചു. സമകാലീന ലോകത്ത് ബഷീര് കൃതികളുടെ പ്രസക്തിയും മനുഷ്യര്ക്ക് ഉണ്ടാവേണ്ട പരിസ്ഥിതി ബോധത്തെക്കുറിച്ചും മറ്റു ജീവിവര്ഗ്ഗത്തോടുള്ള മനുഷ്യരുടെ ഉത്തരവാദിത്വത്തെ കുറിച്ചും എല്ലാം ഉദ്ഘാടന പ്രസംഗത്തില് വിശദീകരിക്കപ്പെട്ടു. കോളേജിലെ മലയാള വിഭാഗം മേധാവി ഡോ.കെ രമേശന് അധ്യക്ഷത വഹിച്ച അനുസ്മരണ യോഗം മാനന്തവാടി താലൂക്ക് ലൈബ്രറി കൗണ്സില് സെക്രട്ടറി പി. സുരേഷ് ബാബു ഉദ്ഘാടനം ചെയ്തു. ഗ്രന്ഥശാല പ്രവര്ത്തകനും മുന് ജനപ്രതിനിധിയുമായ സി.എം സന്തോഷ് മുഖ്യപ്രഭാഷണം നടത്തി.ജെന്സിക്കാലത്ത് വായനയുടെ പ്രസക്തിയെക്കുറിച്ച് വിശദമായി ചര്ച്ച ചെയ്യപ്പെട്ടു. പഴശ്ശി ഗ്രന്ഥാലയം സെക്രട്ടറി പ്രസാദ് വി.കെ, ഷിനോജ് വി.പി ,ജെസ്ബിന് സി ജെ തോമസ് സേവ്യര് , അയ്യൂബ് എ, സെമീജ, മുഹ്സിന, നിയ മിന്ഷാ,തുടങ്ങിയവര് നേതൃത്വം നല്കി.
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്