മാനദണ്ഡങ്ങള് ലംഘിച്ചുള്ള സ്ഥലംമാറ്റം റദ്ദുചെയ്യണം: കെജിഎന്എ വയനാട് ജില്ലാ സമ്മേളനം
കല്പ്പറ്റ: മാനദണ്ഡങ്ങള് ലംഘിച്ച് രാഷ്ട്രീയപ്രേരിതമായുള്ള ജീവനക്കാരുടെ സ്ഥലംമാറ്റം റദ്ദുചെയ്യണമെന്ന് കേരള ഗവ.നഴ്സസ് അസോസിയേഷന് (കെജിഎന്എ) വയനാട് ജില്ലാ സമ്മേളനം ആവശ്യപ്പെട്ടു. യുഡിഎഫ് സര്ക്കാര് അധികാരമേറ്റശേഷം നിയമവിരുദ്ധമായി ജീവനക്കാരെ സ്ഥലംമാറ്റി ദ്രോഹിക്കുകയാണ്. കല്പ്പറ്റ ജനറല് ആശുപത്രിയില് നഴ്സിങ് സൂപ്രണ്ട് തസ്തികയും വയനാട് മെഡിക്കല് കോളേജില് കൂടുതല് തസ്തികളും സൃഷ്ടിക്കുക, ബത്തേരി താലൂക്ക് ആശുപത്രിയില് ജീവനക്കാരുടെ തസ്തിക സൃഷ്ടിച്ചുമാത്രം ജില്ലാ ആശുപത്രിയായി ഉയര്ത്തുക, നഴ്സിങ് ഇതര ജോലികളില്നിന്ന് നഴ്സുമാരെ ഒഴിവാക്കുക തുടങ്ങിയ ആവശ്യങ്ങളുംസ സമ്മേളനം ഉന്നയിച്ചു.
സമ്മേളനത്തിന് ജില്ലാ പ്രസിഡന്റ എം വിജയലക്ഷ്മി പതാക ഉയര്ത്തി. കര്ഷകസംഘം ജില്ലാ ജോയിന്റ് സെക്രട്ടറി വി ഹാരിസ് സമ്മേളനം ഉദ്ഘാടനം ചെയ്തു. എഫ്എസ്ഇടിഒ ജില്ലാ സെക്രട്ടറി ടി കെ അബ്ദുല് ഗഫൂര്, കെജിഎന്എ സംസ്ഥാന സെക്രട്ടറിയറ്റ് അംഗം എന് പ്രദീപ്, കെജിഎസ്എന്എ ജില്ലാ സെക്രട്ടറി അഹല്യ മോഹന് എന്നിവര് സംസാരിച്ചു. കെജിഎന്എ ജില്ലാ സെക്രട്ടറി ജി സംഗീത സ്വാഗതം പറഞ്ഞു. സര്വീസില്നിന്ന് വിരമിച്ച അംഗങ്ങള്ക്ക് യാത്രയയപ്പ് നല്കി. അംഗങ്ങളുടെ മക്കളില് എസ്എസ്എല്സി, പ്ലസ് ടു പരീക്ഷകളില് ഉന്നത വിജയംനേടിയവരെ അനുമോദിച്ചു.
പ്രതിനിധി സമ്മേളനം കെജിഎന്എ സംസ്ഥാന വൈസ് പ്രസിഡന്റ് എസ് എസ് ഹമീദ് ഉദ്ഘാടനംചെയ്തു. സംസ്ഥാന സെക്രട്ടറിയറ്റംഗം എ ആര് രശോബ് കുമാര് സംസാരിച്ചു. ഭാരവാഹികള്: എം വിജയലക്ഷ്മി
(പ്രസിഡന്റ്), എം നിതീഷ്, ബീന അബ്രഹാം (വൈസ് പ്രസിഡന്റ്), ജി സംഗീത (സെക്രട്ടറി), ടിറ്റോ സേവിയര്, എ രഞ്ജിത്ത് (ജോ. സെക്രട്ടറി), ശ്രീജ ബാലകൃഷ്ണന് (ട്രഷറര്).
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്