നിയമ വിരുദ്ധമായി സ്വകാര്യ പ്രാക്ടീസ് നടത്തിയ ഡോക്ടര്ക്കെതിരെ അന്വേഷണം
മാനന്തവാടി: വയനാട് മെഡിക്കല് കോളേജിലെ ഡോക്ടര് നിയമവിരുദ്ധമായി സ്വകാര്യ പ്രാക്ടീസ് നടത്തിയതായി വിജിലന്സ് കണ്ടെത്തിയതായി റിപ്പോര്ട്ട്. മാനന്തവാടി ഗവണ്മെന്റ് മെഡിക്കല് കോളേജിലെ കാര്ഡിയാക് തൊറാസിക് സര്ജറി വിഭാഗം അസോസിയേറ്റ് പ്രൊഫസര് ഡോ. ശിവപ്രസാദിനെതിരെയാണ് വിജിലന്സ് അന്വേഷണം ആരംഭിച്ചത്. സര്ക്കാര് ശമ്പളത്തിന് പുറമെ സ്വകാര്യ ആശുപത്രിയില് നിന്ന് ലക്ഷങ്ങള് കൈപ്പറ്റിയതായാണ് പരാതി. സര്ക്കാര് മെഡിക്കല് കോളേജില് നിന്ന് മാസം മൂന്ന് ലക്ഷം രൂപയോളം ശമ്പളം പറ്റുന്ന ശിവപ്രസാദ്, കോട്ടക്കല് ആസ്റ്റര് മിംസ് സ്വകാര്യ ആശുപത്രിയില് സ്വകാര്യ പ്രാക്ടീസ് നടത്തി വരികയായിരുന്നു എന്നാണ് കണ്ടെത്തല്. കോട്ടക്കല് ആസ്റ്റര് മിംസ് ആശുപത്രിയില് നിന്ന് മാത്രം മാസം ഏഴ് ലക്ഷത്തോളം രൂപയാണ് ഇദ്ദേഹം പ്രതിഫലമായി വാങ്ങിയിരുന്നതെന്നും വിജിലന്സ് കണ്ടെത്തി.ഡോക്ടര്ക്കെതിരെ കേസെടുക്കണമെന്നാവശ്യപ്പെട്ട് വിജിലന്സ് ഡയറക്ടര്ക്ക് ഉടന് തന്നെ ഔദ്യോഗിക റിപ്പോര്ട്ട് സമര്പ്പിക്കുമെന്നാണ് സൂചന
കമന്റ് ബോക്സില് വരുന്ന അഭിപ്രായങ്ങള് ഓപ്പൺന്യൂസറിന്റെത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്