പുല്‍പ്പള്ളി: കേരളത്തില്‍ പുല്‍ത്തൈലം തൊട്ട് പല കൃഷികള്‍ കാലാകാലങ്ങളില്‍ കര്‍ഷകര്‍  ചെയ്തിരുന്നു. ഇന്ന് കാര്‍ഷിക മേഖല വലിയ വെല്ലുവിളി നേരിടുമ്പോള്‍ പല വികസിത രാജ്യങ്ങളെ പോലെ, നമുക്കുംഎക്‌സോട്ടിക് ഫ്രൂട്ട്‌സ്  ക്യഷികള്‍ കൊണ്ട് കേരളത്തിലെ  കര്‍ഷകരെ സമ്പന്നമാക്കുവാന്‍ സാധിക്കും. പ്രതിവര്‍ഷം ഏക്കറിന്  ബ്ബറില്‍ നിന്നും  50,000  രൂപ വരുമാനം ലഭിക്കുമ്പോള്‍ അവക്കാഡോ, മാങ്കോസ്റ്റീന്‍, റംബുട്ടാന്‍, ധുരിയാന്‍, പാഷന്‍ ഫ്രൂട്ട്, ഡ്രാഗണ്‍ ഫ്രൂട്ട്, ചക്ക  തുടങ്ങിയ ക്യഷികളില്‍ നിന്നും 2,00,000  മുതല്‍ 4,00,000 വരെ പ്രതിവര്‍ഷം ഏക്കറില്‍ നിന്നും വരുമാനം ലഭ്യമാണ്. എന്നാല്‍ വലിയ തോതില്‍ ഫ്രൂട്ട്‌സ് ഉത്പാദിപ്പിച്ചാല്‍ മാത്രമേ വിപണന സാധ്യതയും, മൂല്യ വര്‍ധിത ഉത്പന്നങ്ങളുടെ സാധ്യതയും ഉണ്ടാകുകയുള്ളൂ. ഇന്ത്യ മുഴുവനും, വിവിധ രാജ്യങ്ങളിലും  കേരളത്തില്‍ നിന്നും ഫ്രൂട്ട്‌സ് കയറ്റുമതി നടത്തുവാന്‍ വിധമുള്ള ഉത്പാദനം ഉണ്ടാകേണ്ടിയിരിക്കുന്നു. 
ഇന്ത്യയില്‍ എക്‌സോട്ടിക്  ഫ്രൂട്ട്‌സ് ക്യഷി  പ്രൊമോട്ട്  ചെയ്യുന്നതിന്  പ്രഗത്ഭരായ  കര്‍ഷകരുടെ കൂട്ടായ്മ ആരംഭം  കുറിച്ചിട്ടുള്ള ഫ്രൂട്ട്‌സ് വാലി ഫാര്‍മേഴ്‌സ് പ്രൊഡ്യൂസര്‍ കമ്പനിയുടെ ആഭിമുഖ്യത്തില്‍ മാര്‍ച്ച്  4ന് രാവിലെ 10  മണി മുതല്‍ 1  മണി വരെ  പുല്‍പള്ളി വൈഎംസി എ ഹാളില്‍ വെച്ച്  ഫ്രൂട്ട്‌സ് ക്യഷിയും വിപണനവും  എന്ന വിഷയത്തില്‍ ഒരു സെമിനാര്‍  നടത്തുകയാണ്. കമ്പനിയുടെ ചെയര്‍മാന്‍ അഡ്വ.ബിജു പറയനിലത്തിന്റ നേതൃത്ത്വത്തില്‍ വിദഗദ്ധര്‍ ക്ലാസുകള്‍ നയിക്കുന്നതും ഇത് സംബന്ധിച്ച സംശയനിവാരണം നടത്തുന്നതുമാണ്.

കല്‍പ്പറ്റ കെ.എം.എം. ഗവ. ഐ.ടി.ഐയിലെ  കമ്പ്യൂട്ടര്‍ ഓപ്പറേറ്റര്‍ ആന്‍ഡ് പ്രോഗ്രാമിംഗ് അസിസ്റ്റന്റ് (ടഇ വിഭാഗത്തില്‍ ഒരു ഒഴിവ്), ഡ്രാഫ്റ്റ്‌സ്മാന്‍ സിവില്‍ (ഓപ്പണ്‍ വിഭാഗത്തില്‍ ഒരു ഒഴിവ്) എന്നീ ട്രേഡുകളിലേക്ക് ജൂനിയര്‍ ഇന്‍സ്ട്രക്ടര്‍ തസ്തികയില്‍ ഗസ്റ്റ് ഇന്‍സ്ട്രക്ടറെ നിയമിക്കുന്നതിനായി 10/03/2026 രാവിലെ 11:00 മണിയ്ക്ക് ഐ.ടി.ഐയില്‍ വെച്ച് കൂടിക്കാഴ്ച നടത്തുന്നു.   ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളുമായി (കോപ്പി സഹിതം) പ്രിന്‍സിപ്പാള്‍ മുമ്പാകെ ഹാജരാകേണ്ടതാണ്.  ഫോണ്‍ നമ്പര്‍ : 04936 205519.